സമ്പര്‍ക്ക വ്യാപനം ഉയരുന്നു; അതീവ ജാഗ്രതയില്‍ വയനാട്

കല്‍പ്പറ്റ: വയനാട് ജില്ലയില്‍ ഇന്നലെ 84 പേര്‍ക്ക് കൊറോണ സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. വിദേശത്ത് നിന്ന് വന്ന 6 പേര്‍ക്കും ഇതര സംസ്ഥാനങ്ങളില്‍ നിന്ന് വന്ന 10 പേര്‍ക്കും  സമ്പര്‍ക്കത്തിലൂടെ 68 പേര്‍ക്കുമാണ് രോഗബാധ. 

28 പേര്‍  രോഗമുക്തി നേടി. ഇതോടെ ജില്ലയില്‍ കൊറോണ സ്ഥിരീകരിച്ചവരുടെ ആകെ എണ്ണം 1644 ആയി. ഇതില്‍ 1370 പേര്‍ രോഗമുക്തരായി. 266 പേരാണ് ഇപ്പോള്‍ ചികിത്സയിലുള്ളത്. രോഗം ബാധിച്ചവര്‍ കര്‍ണാടകയില്‍ നിന്നു വന്ന ബത്തേരി സ്വദേശി, ആനപ്പാറ സ്വദേശി, ചെന്നലോട് സ്വദേശി, ഇരുളം സ്വദേശി, കേണിച്ചിറ സ്വദേശി, അഞ്ചുകുന്ന് സ്വദേശി, കോട്ടത്തറ സ്വദേശി, ആറാട്ടുതര സ്വദേശി, മൈസൂര്‍ സ്വദേശി, ഹൈദറാബാദില്‍ നിന്ന് വന്ന പൊഴുതന സ്വദേശി, സൗദിയില്‍ നിന്ന് വന്ന പൊഴുതന സ്വദേശി, വൈത്തിരി സ്വദേശി, ചുണ്ടേല്‍ സ്വദേശി, ചീരാല്‍ സ്വദേശി, നീലഗിരി പന്തല്ലൂര്‍ സ്വദേശി, കുവൈത്തില്‍ നിന്ന് വന്ന കുപ്പാടി സ്വദേശിനി എന്നിവരാണ് പുറത്ത്‌നിന്നു വന്ന് പോസിറ്റീവായത്.  

സമ്പര്‍ക്കത്തിലൂടെ രോഗബാധിതര്‍ 9 മീനങ്ങാടി സ്വദേശികള്‍,  ബത്തേരി, അമ്പലവയല്‍, കൊളഗപ്പാറ, തമിഴ്‌നാട്  സ്വദേശികളായ ഓരോരുത്തര്‍ വീതം,  4 ചുള്ളിയോട് സ്വദേശികള്‍,  7 പൂതാടി സ്വദേശികള്‍,  ഒരു അപ്പപ്പാറ സ്വദേശി, 9 അമ്പലവയല്‍ സ്വദേശികള്‍, 4 കാപ്പന്‍കൊല്ലി സ്വദേശികള്‍, 2 കുപ്പാടി സ്വദേശികള്‍, ഒരു മഞ്ഞപ്പാറ സ്വദേശി,  ഒരു പാലക്കാട് സ്വദേശി, ചെതലയം സമ്പര്‍ക്കത്തില്‍ 22 പേര്‍ പടിഞ്ഞാറത്തറ സമ്പര്‍ക്കത്തിലുള്ള 4 മുണ്ടക്കുറ്റി സ്വദേശികള്‍ എന്നിവരാണ് സമ്പര്‍ക്കത്തിലൂടെ രോഗബാധിതരായത്.