ന്യൂദല്‍ഹി : ഇന്ത്യയിലെ ചൈന വിരുദ്ധ നടപടികള്‍ക്കെതിരെ ആക്രമണം നടത്താന്‍ ആഹ്വാനം നല്‍കി പാക് ചാര സംഘടനയായ ഐഎസ്‌ഐ. ജമ്മു കശ്മീരിലെ ചൈന വിരുദ്ധ പ്രക്ഷോഭങ്ങള്‍ക്കെതിരെ ആക്രമണത്തിന് പാക ഭീകര സംഘടന കൂടിയായ ഹിസ്ബുള്‍ മുജാഹിദ്ദീന് ഐഎസ്‌ഐ നിര്‍ദ്ദേശം നല്‍കി കഴിഞ്ഞു.
ഇന്ത്യയിലെ ചൈന വിരുദ്ധ നടപടികള്‍ക്കെതിരെ ആക്രമണത്തിന് ഐഎസ്‌ഐ നിര്‍ദ്ദേശം നല്‍കിയതായി രഹസ്യാന്വേഷണ വിഭാഗം നേരത്തെ കണ്ടെത്തിയിരുന്നു. ലാഡാക്ക് അതിര്‍ത്തിയുമായി ബന്ധപ്പെട്ട് സംഘര്‍ഷാവസ്ഥ ഉടലെടുത്തതോടെയാണ് ചൈനീസ് ബഹിഷ്‌കരണം ആരംഭിച്ചത്.
അതേസമയം ഗല്‍വാന്‍ താഴ്വരയിലെ ചൈനീസ് കടന്നുകയറ്റത്തിനെതിരെ പ്രതിഷേധ മാര്‍ച്ച് നടത്തിയ കശ്മീര്‍ ബിജെപി നേതാക്കളെ ഹിസ്ബുള്‍ മുജാഹിദ്ദീന് ലക്ഷ്യമിടുന്നതായി വിവരം ലഭിച്ചിട്ടുണ്ട്. താഴ്വരയിലെ ബിജെപി നേതാക്കള്‍ക്കെതിരെ ക്ലീന്‍ ഔട്ട് എന്ന പേരില്‍ കെണി ഒുരുക്കി ആക്രമിക്കാനും പദ്ധതി തയ്യാറാക്കുന്നുണ്ട്.
പ്രതികരിക്കാൻ ഇവിടെ എഴുതുക: