ചെന്നൈ: ചെന്നൈ സൂപ്പര്‍ കിങ്‌സ് ടീമിലേക്കുള്ള സുരേഷ് റെയ്‌നയുടെ തിരിച്ചുവരവ് സംബന്ധിച്ച് ക്യാപ്റ്റന്‍ ധോണി അടക്കമുളള്ള ടീം മാനേജ്‌മെന്റ് തീരുമാനം എടുക്കുമെന്ന് ക്ലബ്ബ് ഉടമ എന്‍. ശ്രീനിവാസന്‍.
വ്യക്തിപരമായ കാരണങ്ങള്‍ ചൂണ്ടിക്കാട്ടിയാണ് റെയ്‌ന ഐപിഎല്ലില്‍ നിന്ന് പിന്മാറിയത്. എന്നാല്‍ കഴിഞ്ഞ ദിവസം നല്‍കിയ ഒരു അഭിമുഖുത്തില്‍ താന്‍ ഐപിഎല്ലിനായി ദുബായിയിലേക്ക് തിരിച്ചുപോകുമെന്ന് റെയ്‌ന സൂചിപ്പിപ്പിച്ചു. ഇതിനെ തുടര്‍ന്ന് റെയ്‌ന ഈ വര്‍ഷം ടീമില്‍ മടങ്ങിയെത്തുമോയെന്ന പത്രക്കാരുടെ ചോദ്യത്തിന് മറുപടിയായാണ് ശ്രീനിവാസന്‍, റെയ്‌നയുടെ കാര്യം ധോണി അടക്കമുള്ള മാനേജ്‌മെന്റ് തീരുമാനിക്കുമെന്ന് വെളിപ്പെടുത്തിയത്.
റെയ്‌ന മടങ്ങിവരുമോ ഇല്ലയോ എന്ന വിഷയത്തില്‍ ഞാന്‍ അഭിപ്രായം പറയുന്നില്ല. ആരെയൊക്കെ ടീമിലെടുക്കണമെന്ന് ഞാന്‍ ആവശ്യപ്പെടാറില്ല. ഈ കാര്യങ്ങളൊക്കെ മഹാനായ ക്യാപ്റ്റന്‍ ധോണി അടക്കമുള്ള മാനേജ്‌മെന്റാണ് തീരുമാനിക്കുന്നതെന്ന് ശ്രീനിവാസന്‍ വ്യക്തമാക്കി.
വ്യക്തിപരമായ കരണങ്ങളാലാണ് നാട്ടിലേക്ക മടങ്ങിയത്. ഞാനും ചെന്നൈ ടീമും തമ്മില്‍ ഒരു പ്രശ്‌നവുമില്ല. രാജ്യാന്തര ക്രിക്കറ്റില്‍ നിന്ന് വിരമിച്ചെങ്കിലും നാല്-അഞ്ച് വര്‍ഷം കൂടി ഐപിഎല്‍ കളിക്കാനാകുമെന്ന് റെയ്‌ന കഴിഞ്ഞ ദിവസം അഭിമുഖത്തില്‍ വെളിപ്പെടുത്തിയിരുന്നു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: