ന്യൂദല്ഹി: രാജ്യത്ത് അണ്ലോക്ക് നാല് നിലവില് വന്നു. ഇന്ന് മുതല് സംസ്ഥാനങ്ങളില് കേന്ദ്രത്തിന്റെ പ്രത്യേക അനുമതിയോടെ മാത്രമേ നിയന്ത്രണങ്ങള് ഏര്പ്പെടുത്താനാകൂ. സംസ്ഥാനങ്ങള്ക്ക് അകത്തെ യാത്രകള്ക്കും സംസ്ഥാനന്തര യാത്രകള്ക്കും ഒരു തരത്തിലുള്ള നിയന്ത്രണവും പാടില്ലെന്നും ഇത്തരം യാത്രകള്ക്കായി പ്രത്യേക പെര്മിറ്റ് ഏര്പ്പെടുത്താന് പാടില്ലെന്നും കേന്ദ്രം വ്യക്തമാക്കിയിട്ടുണ്ട്. അതേസമയം 65 വയസിന് മുകളില് പ്രായമുള്ളവര്ക്കും പത്ത് വയസിന് താഴെ പ്രായമുള്ളവര്ക്കുമുള്ള യാത്രാവിലക്ക് തുടരും.
സാംസ്ക്കാരിക-കായിക-വിനോദ-സാമൂഹിക- ആത്മീയ-രാഷ്ട്രീയ യോഗങ്ങള്ക്കും കൂട്ടായ്മകള്ക്കും കേന്ദ്രം അനുമതി നല്കിയിട്ടുണ്ട്. പരമാവധി നൂറ് പേര്ക്ക് വരെ ഇത്തരം പരിപാടികളില് പങ്കെടുക്കാം. പങ്കെടുക്കുന്ന എല്ലാവരും മാസ്ക് ധരിക്കുകയും സാമൂഹിക അകലം പാലിക്കുകയും വേണം. പരിപാടിക്ക് പങ്കെടുക്കുന്നവര്ക്ക് തെര്മല് പരിശോധന നിര്ബന്ധമാണ്. ഹാന്ഡ് വാഷും സാനിറ്റൈസറും ഉപയോഗിക്കണം.
സെപ്ംതബര് ഏഴ് മുതല് രാജ്യത്ത് മെട്രോ റെയില് സര്വീസിന് അനുമതി നല്കി. പ്രത്യേക കൊവിഡ് പ്രോട്ടോക്കോള് പാലിച്ചാകും മെട്രോ റെയില് സര്വീസ് നടത്തുക. സെപ്തംബര് 21 മുതല് ഓപ്പണ് തീയേറ്ററുകള് പ്രവര്ത്തിക്കാനുള്ള അനുമതി നല്കിയിട്ടുണ്ട്. സിനിമാ തീയേറ്ററുകളും സ്വിമ്മിംഗ് പൂളുകളും അടഞ്ഞു കിടക്കും. സ്കൂളുകളും കോളേജുകളും തുറക്കില്ല. എന്നാല് വിദ്യാഭ്യാസ സ്ഥാപനങ്ങളില് ഓണ്ലൈന് ക്ളാസ് നടത്താന് 50 ശതമാനം അദ്ധ്യാപകരെ വരാന് അനുവദിക്കും. 9 മുതല് 12 വരെ ക്ളാസിലുള്ളവര്ക്ക് അദ്ധ്യാപകരുടെ സഹായം തേടാന് പുറത്തു പോകാം.
ദേശീയ നൈപുണ്യ പരിശീലന കേന്ദ്രം, ഐ.ടി.ഐകള്, ഹ്രസ്വകാല പരിശീലന കേന്ദ്രങ്ങള് തുടങ്ങിയ തൊഴില് പരിശീലന കേന്ദ്രങ്ങള് എന്നിവ തുറക്കാന് അനുമതി നല്കിയിട്ടുണ്ട്. ഉന്നതവിദ്യാഭ്യാസകേന്ദ്രങ്ങളിലെ പി.ജി-ഗവേഷക വിദ്യാത്ഥികള്ക്ക് ലാബുകളിലും പരിശീലനകേന്ദ്രങ്ങളിലും പ്രവേശനം അനുവദിച്ചു. സംസ്ഥാനങ്ങളിലെ കൊവിഡ് സാഹചര്യം വിലയിരുത്തി വേണം ഇതിന് അനുമതി നല്കേണ്ടത്.
