ശ്രീനഗര് : ജമ്മു കശ്മീര് പുല്വാമയിലുണ്ടായ ഏറ്റുമുട്ടലില് സുരക്ഷാ സൈന്യം മൂന്ന് ഭീകരരെ വധിച്ചു. വെള്ളിയാഴ്ച രാത്രി മുതല് പ്രദേശത്ത് ഏറ്റുമുട്ടല് നടന്നു വരികയാണ്. പ്രദേശത്ത് ഇനിയും ഭീകര സാന്നിധ്യം ഉണ്ടോയെന്ന്് തെരച്ചില് നടത്തി വരികയാണ്. ഇതുമായി ബന്ധപ്പെട്ട് കൂടുതല് വിവരങ്ങള് ഇനിയും ലഭ്യമായിട്ടില്ല.
പ്രദേശം നിലിവില് സുരക്ഷാ സൈന്യത്തിന്റെ നിയന്ത്രണത്തിലാണ്. പ്രദേശത്ത് ഭീകര സാന്നിധ്യം ഉള്ളതായി വിവരം ലഭിച്ചതിനെ തുടര്ന്ന് കരസേനയും സിആര്പിഎഫും പോലീസും അടങ്ങുന്ന സംഘം പ്രദേശത്ത് തെരച്ചില് നടത്തി. തുടര്ന്ന് സുരക്ഷാ സേനയ്ക്ക് നേരെ ഭീകരര് വെടിയുതിര്ത്തതോടെ സേന തിരിച്ചടിക്കുകയായിരുന്നു. സൈന്യം വധിച്ച മൂന്ന് ഭീകരരെയും തിരിച്ചറിഞ്ഞിട്ടില്ല.
കഴിഞ്ഞ ദിവസവും ഭീകരരും സുരക്ഷാ സേനയും തമ്മില് ഏറ്റുമുട്ടലുണ്ടായിരുന്നു. ഷോപ്പിയാനില് നടന്ന ഏറ്റുമുട്ടലില് നാല് ഭീകരരെയാണ് സൈന്യം വധിച്ചത്. ഇതോടെ രണ്ട് ദിവസത്തിനുള്ളില് സൈന്യം വധിച്ച ഭീകരരുടെ എണ്ണം ഏഴ് ആയി.
