ന്യൂദല്‍ഹി : കുഞ്ഞുണ്ടാകാന്‍ പോകുന്നതിന്റെ വിശേഷം പങ്കുവെച്ച് ഇന്ത്യന്‍ ക്രിക്കറ്റ് ടീം ക്യാപ്റ്റന്‍ വിരാട് കോഹ്ലിയും ബോളീവുഡ് താരം അനുഷ്‌കയും. ഇരുവര്‍ക്കുമിടയില്‍ മൂന്നാമതൊരാള്‍ എത്തുന്ന വിവരം സമൂഹ മാധ്യമം വഴിയാണ് പങ്കുവെച്ചിരിക്കുന്നത്.
ഞങ്ങള്‍ ഇനി മൂന്ന്, 2021 ജനുവരിയില്‍ എത്തുമെന്നും ഇരുവരും അറിയിച്ചിട്ടുണ്ട്. ഗര്‍ഭിണിയായ അനുഷ്‌കയ്‌ക്കൊപ്പം കോഹലി നില്‍ക്കുന്ന ചിത്രവും ഇതോടൊപ്പം പങ്കുവെച്ചിട്ടുണ്ട്.
സമൂഹമാധ്യമങ്ങളില്‍ ഇക്കാര്യം പോസ്റ്റ് ചെയ്തതോടെ നിരവധി ആരാധകാരാണ് ആശംസകള്‍ അര്‍പ്പിച്ച് എത്തിയിരിക്കുന്ന്ത്. ബോളീവുഡ് , ക്രിക്കറ്റ് ലോകത്തെ നിരവധി പ്രമുഖരും ആശംസ അറിയിച്ചിട്ടണ്ട്.
ബോളീവുഡ് താര ജോഡികളായ സെയ്ഫ് അലി ഖാന്‍- കരീന കപൂര്‍ ദമ്പതികള്‍ക്ക് രണ്ടാമത്തെ കുഞ്ഞ് ജനിക്കാന്‍ പോകുന്ന വാര്‍ത്ത അടുത്തിടെ പുറത്തുവന്നിരുന്നു. അതിനുപിന്നാലെയാണ് കോഹ്ലിയും അനുഷ്‌കയും തങ്ങളുടെ സന്തോഷവും പങ്കുവെച്ചിരിക്കുന്നത്. സെയ്ഫ്-കരീന ദമ്പതികളുടെ മൂത്ത മകന്‍ തയ്മൂറിന് മൂന്ന് വയസ്സുണ്ട്.
പ്രതികരിക്കാൻ ഇവിടെ എഴുതുക: