ന്യൂദല്ഹി : മോദിക്കൊപ്പം ഔദ്യോഗിക വസതിയില് വിരാജിക്കുന്ന മയിലുകള്. പ്രധാനമന്ത്രി സമൂഹ മാധ്യമത്തിലൂടെ പങ്കുവെച്ച വീഡിയോയിലാണ് ഔദ്യോഗിക വസതിയിലെ മയിലുകളെ കാണിച്ചിരിക്കുന്നത്. പ്രഭാത വ്യായാമത്തിനിടെ ചിത്രീകരിച്ച ദൃശ്യങ്ങളാണ് പ്രധാനമന്ത്രി സമൂഹ മാധ്യമങ്ങളില് പങ്കുവെച്ചത്. ഒരു ഹിന്ദി പദ്യത്തിനൊപ്പമാണ് മയിലുകള്ക്ക് തീറ്റ കൊടുക്കുന്നതിന്റെ വീഡിയോയും പങ്കുവെച്ചിരിക്കുന്നത്. മയിലുകളെ കുറിച്ചുള്ളതാണ് പദ്യം.
വീഡിയോയില് ലോക് കല്യാണ് മാര്ഗ് വസതിയിലെ താമസ സ്ഥലത്ത് മയിലുകള് കൂട്ടുകാരെപ്പോലെ അദ്ദേഹത്തിന് ചുറ്റും നടക്കുന്നതും കാണാം. പ്രധാനമന്ത്രി മയിലുകള്ക്ക് തീറ്റ നല്കുന്നതിന്റെ ദൃശ്യങ്ങളും ഇതിലുണ്ട്. മോദി പ്രഭാത സവാരി നടത്തുമ്പോള് ഒരു ഭയവുമില്ലാതെ പിവി വിടര്ത്തുകയും അദ്ദേഹം വായിക്കുമ്പോള് ഒപ്പം നിന്ന് തീറ്റയെടുക്കുന്നതുമെല്ലാം വീഡിയോ ദൃശ്യങ്ങളിലുണ്ട്.
അദ്ദേഹത്തിന്റെ വസതിയില്, ഗ്രാമീണ മേഖലകളില് കാണപ്പെടുന്ന ഉയര്ന്ന ഘടനകളും മറ്റും സ്ഥാപിച്ചിട്ടുണ്ട്. ഇവിടെ പക്ഷികള് വന്ന് കൂടുണ്ടാക്കാറുണ്ട്. വീഡിയോ പങ്കുവെച്ച് ഒരു മണിക്കൂറിനുള്ളില് തന്നെ സമൂഹ മാധ്യമങ്ങള് ഇതിനെ ഏറ്റെടുത്ത് കഴിഞ്ഞു.
