അങ്കാര : ചരിത്ര പ്രസിദ്ധമായ ഹഗിയ സോഫിയയ്ക്ക് പിന്നാലെ തുര്ക്കിയില് മറ്റൊരു ക്രിസ്തീയ ദേവാലയം കൂടി മുസ്ലിം പള്ളിയാക്കി തയ്യിബ് എര്ദോഗന് സര്ക്കാര്. ബൈസാന്റൈന് ചര്ച്ചിനെയാണ് ഇപ്പോള് മുസ്ലിം ദേവാലയമാക്കി എര്ദോഗന് വെള്ളിയാഴ്ചയാണ് ഒപ്പുവെച്ചത്.
രാജ്യത്തിന്റെ ഔദ്യോഗിക ഗസറ്റിലാണ് ഇതുസംബന്ധിച്ചുള്ള തീരുമാനം പുറത്തുവിട്ടിരിക്കുന്നത്.
ചോറയിലെ ഇസ്താന്ബുളിന്റെ സെന്റ് സേവ്യര് ചര്ച്ചിനെയാണ് ഇപ്പോള് പുതിയതായി മുസ്ലിം പള്ളിയാക്കുന്നത്. ഇത് തുര്ക്കിയില് കാരിയെ എന്നാണ് അറിയപ്പെടുന്നത്. ഹഗിയ സോഫിയ മുസ്ലിം പള്ളിയാക്കി ഒരു മാസം പൂര്ത്തിയാക്കിയതിന് ഇടയിലാണ് വീണ്ടും ക്രിസ്തീയ ദേവാലയങ്ങള്ക്കെതിരെ എര്ദോഗന് സര്ക്കാര് പിടി മുറുക്കുന്നത്.
നാലാം നൂറ്റാണ്ടില് നിര്മാണം ആരംഭിച്ച ക്രിസ്ത്യന് ദേവാലയമാണ് സെന്റ് സേവ്യര് ചര്ച്ച്. ഈ കെട്ടിടത്തിന്റെ ഏറിയ പങ്കും നിര്മ്മിച്ചത് 11ാം നൂറ്റാണ്ടിലാണ്. പിന്നീട് 200 വര്ഷത്തിന് ശേഷം ഭൂചലനത്തില് കേടുപാട് വന്നപ്പോള് വീണ്ടും പുതുക്കി നിര്മിച്ചു. പുരാതന നഗര മതിലുകള്ക്ക് സമീപമാണ് ഈ പള്ളി സ്ഥിതി ചെയ്യുന്നത്.
ഹഗിയ സോഫിയയ്ക്ക് പിനനാീലം മറ്റൊരു പ്രസിദ്ധ ദേവാലയം കൂടി മുസ്ലിം പള്ളിയാക്കുന്നതില് അന്താരാഷ്ട്ര തലത്തില് വന് പ്രതിഷേധമാണ് ഉയരുന്നത്. തുര്ക്കിയുടെ നടപടിയെ ഗ്രീക്ക് വിദേശകാര്യമന്ത്രാലയവും അപലപിച്ചു. ഐക്യരാഷ്ട്ര സഭയുടെ പൈതൃക പട്ടികയില് ഉള്പ്പെട്ട ഒന്നിനെ കൂടി തുര്ക്കി അപമാനിച്ചിരിക്കുകയാണെന്ന് ഗ്രീസ് കൂട്ടിച്ചേര്ത്തു.
