കോഴിക്കോട്: കേരളത്തില് ഭീകര പ്രവര്ത്തകര് തമ്പടിച്ചരുന്നതായി റിപ്പോര്ട്ട്. കോഴിക്കോട് മുക്കത്തെ ഗോതമ്പ് റോഡിന് സമീപത്തെ ജനവാസമില്ലാത്ത പ്രദേശത്ത് പതിനെട്ടോളം പേരെ പല ദിവസങ്ങളിലായി കണ്ടെന്നും റിപ്പോര്ട്ട്. ഒരാഴ്ചക്കാലം ഇവര് വനമേഖലയില് ചിലവഴിച്ചതായും റിപ്പോര്ട്ടുണ്ട്.
സംഘത്തില് യുവതികളുമുണ്ടെന്നും റിപ്പോര്ട്ടില് പറയുന്നുണ്ട്. സംഭവവുമായി ബന്ധപ്പെട്ട് രഹസ്യാനേഷണ ഏജന്സികള് അന്വേഷണം ആരംഭിച്ചു. അധികമാരും എത്തിപ്പെടാത്ത വനപ്രദേശത്ത് ജൂലായ് അവസാനവും ഓഗസ്റ്റ് ആദ്യവാരവും അപരിചിതരായ ഒരു കൂട്ടം ആളുകള് തമ്പടിച്ചെന്നാണ് ദൃക്സാക്ഷികള് പറയുന്നത്. മുളന്തണ്ട് ഉപയോഗിച്ച് ഇവിടെ താത്ക്കാലിക കൂടാരവും ഒരുക്കിയാണ് ഇവര് അവിടെ താമസിച്ചിരുന്നത്്.
എന്നാല് സംഘത്തിലെ ചിലര് രാത്രി കാലങ്ങളില് മുഴുവന് കാട്ടിലും പാറപ്പുറത്തുമായി തങ്ങിയതായും സൂചനയുണ്ട്. മറ്റു ചിലര് ദിവസവും പുലര്ച്ചെ ദുര്ഘടമായ പാതയില് കൂടി പാറയ്ക്ക് മുകളിലേക്കെത്തി. ഐഎസ് ബന്ധമുള്ള മത ഭീകരവാദ സംഘടനയുടെ വനിതാ നേതാവിന്റെ വീട്ടില് ഈ പെണ്കുട്ടികള് തങ്ങിയതായും പ്രദേശത്തെ ചില വ്യക്തികളുടെ സഹായം ഈ സംഘത്തിന് ലഭിച്ചതായും വിവരമുണ്ട്. ഇവിടെയുള്ള കരിങ്കല് ക്വാറിക്ക് സമീപം ഇവര് പരിശീലനം നടത്തിയതായാണ് സൂചന. ഇവര് സ്ഫോടനത്തിന് പരിശീലനം നേടിയതായും സൂചനയുണ്ട്.
ഭീകരവാദ ബന്ധത്തിന്റെ പേരില് ഈ പ്രദേശത്തെ മുഹമ്മദ് യഹിയ എന്ന വ്യക്തിയെ നേരത്തെ ബെംഗളൂരു പോലീസ് അറസ്റ്റ് ചെയ്തിരുന്നു. വര്ഷങ്ങള്ക്ക് മുമ്പ് ഇതേ പ്രദേശത്തെ മല മുകളില് നിരോധിത ഭീകരവാദ സംഘടനാ പ്രവര്ത്തകര് പരിശീലനവും നടത്തിയിരുന്നു.
സംസ്ഥാനത്തെ മലയോര മേഖലകളില് ഭീകര സാന്നിധ്യം ഉള്ളതായി രഹസ്യാന്വേഷണ ഏജന്സി സ്ഥിരീകരിച്ചിട്ടുണ്ട്.. മൊബൈല് ടവര് കേന്ദ്രീകരിച്ചും അന്വേഷണം നടത്തി വരികയാണ്.
