കുമളി: സ്വാതന്ത്ര്യദിനത്തില്‍ പ്രധാനമന്ത്രിയേയും രാജ്യത്തേയും അവഹേളിച്ച ഉദ്യോഗസ്ഥനെ അറസ്റ്റ് ചെയ്യണമെന്ന് ആവശ്യപ്പെട്ട് ഒബിസി മോര്‍ച്ചയുടെ നേതൃത്വത്തില്‍ പ്രതിഷേധ മാര്‍ച്ചും ധര്‍ണ്ണയും നടത്തി. വള്ളക്കടവ് ഫോറസ്റ്റ് റേഞ്ച് ഓഫീസര്‍ സി. അജയനെ സര്‍വീസില്‍ നിന്നും പിരിച്ചു വിടണമെന്നാവശ്യപ്പെട്ടായിരുന്നു പ്രതിഷേധം.
ഒബിസി മോര്‍ച്ച ജില്ലാ പ്രസിഡന്റ് പി. പ്രബീഷ് പരിപാടി ഉദ്ഘാടനം ചെയ്തു. വനം വകുപ്പിന്റെ ഉന്നത ഉദ്യോഗസ്ഥന്‍ രാജ്യത്തേയും, പ്രധാനമന്ത്രിയേയും ആക്ഷേപിച്ചത് അംഗീകരിക്കാന്‍ കഴിയില്ലെന്ന് അദ്ദേഹം പറഞ്ഞു. രാഷ്‌ട്ര വിരുദ്ധ ശക്തികളുടെ പണിയാളായി ഈ ഉദ്യോഗസ്ഥന്‍ മാറി. ഇത്തരക്കാര്‍ വകുപ്പിന് തന്നെ അപമാനമാണ്. ഇദ്ദേഹത്തിനെതിരെ ശക്തമായ നടപടി സര്‍ക്കാര്‍ സ്വീകരിക്കണം.
ഒബിസി മോര്‍ച്ച പീരുമേട് മണ്ഡലം പ്രസിഡന്റ് ഷാജി കോട്ടയില്‍ അധ്യക്ഷനായ യോഗത്തില്‍ ബിജെപി പീരുമേട് മണ്ഡലം പ്രസിഡന്റ് അജീഷ് കുമാര്‍ മുഖ്യപ്രഭാഷണം നടത്തി. ഒബിസി മോര്‍ച്ച ജില്ലാ സെക്രട്ടറി അനൂപ് വള്ളക്കടവ്, ബിജെപി പീരുമേട് മണ്ഡലം വൈസ് പ്രസിഡന്റ് സൗന്ദര്‍ രാജന്‍, വണ്ടിപ്പെരിയാര്‍ ബിജെപി സമിതി പ്രസിഡന്റ് അനീഷ് കുമാര്‍, ജനറല്‍ സെക്രട്ടറി വിനോദ്, തുടങ്ങിയവര്‍ സംസാരിച്ചു. സംഭവത്തില്‍ ബിജെപി ജില്ലാ പ്രസിഡന്റ് കഴിഞ്ഞ ദിവസം പരാതി നല്‍കിയിരുന്നു.
പ്രതികരിക്കാൻ ഇവിടെ എഴുതുക: