കോഴിക്കോട്: പേരാമ്പ്ര മല്‍സ്യ മാര്‍ക്കറ്റില്‍ സിപിഎം ലീഗ് സംഘര്‍ഷം. കൊറോണ മാര്‍ഗ്ഗ നിര്‍ദ്ദേശങ്ങള്‍ കാറ്റില്‍പ്പറത്തിക്കൊണ്ടാണ് ഇരു പാര്‍ട്ടികളും തമ്മില്‍ ഏറ്റുമുട്ടിയത്.
ലീഗ് വിട്ട് സിപിഎമ്മില്‍ ചേര്‍ന്ന അഞ്ച് പേര്‍ മാര്‍ക്കറ്റില്‍ വില്‍പ്പനയ്‌ക്കായി എത്തിയതോടെയാണ് അവിടെ സംഘര്‍ഷം ഉടലെടുത്തത്. ഇവരെ മീന്‍ വില്‍ക്കാന്‍ ലീഗ് പ്രവര്‍ത്തകര്‍ സമ്മതിക്കാതിരുന്നതോടെ സിപിഎം പ്രാദേശിക പ്രവര്‍ത്തകര്‍ സംഘടിച്ചെത്തി മാര്‍ക്കറ്റില്‍ നിന്നുള്ളവരെ മര്‍്ദ്ദിക്കുകയായിരുന്നു. ഇതോടെ ലീഗ് പ്രവര്‍ത്തകരും തിരിച്ചടിച്ചു.
സംഘര്‍ഷത്തില്‍ 15ഓളം പേര്‍ക്ക് പരിക്കേറ്റിട്ടുണ്ടെന്നാണ് പോലീസ് പറയുന്നത്. പരിക്കേറ്റവരെ വിവിധ ആശുപത്രികളില്‍ പ്രവേശിപ്പിച്ചു. സംഘര്‍ഷ സാധ്യത ഇപ്പോഴും നിലനില്‍ക്കുന്നതിനാല്‍ പ്രദേശം പോലീസ് നിരീക്ഷണത്തിലാണ്. കൊയിലാണ്ടി ടൗണില്‍ യുഡിഎഫ് ഹര്‍ത്താലും പ്രഖ്യാപിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: