കോഴിക്കോട്: കള്ളക്കളി പുറത്താകാതിരിക്കാന് സെക്രട്ടറിയേറ്റിലെ സര്ക്കാര് സിസിടിവി ദൃശങ്ങള് ഇല്ലാതാക്കിയത് പോലെ കസ്റ്റംസ് ക്ലിയറന്സ് ഇല്ലാതാക്കാന് സാധ്യതയുണ്ടെന്ന് ബിജെപി സംസ്ഥാന അധ്യക്ഷന് കെ. സുരേന്ദ്രന്. വാര്ത്താ കുറിപ്പിലൂടെയാണ് അദ്ദേഹം ഇക്കാര്യം അറിയിച്ചത്.
സ്വര്ണക്കടത്തുമായി ബന്ധപ്പെട്ട സിപിഎമ്മിന്റെ സ്വന്തക്കാരന് കൂടിയായ ജോയിന്റ് പ്രോട്ടോക്കോള് ഓഫീസര് ഷൈന് ഹക്കാണ്. രണ്ട് വര്ഷമായി ഇയാള് സിപിഎമ്മുമായി അടുത്ത ബന്ധവും പുലര്ത്തുന്നുണ്ട്. കള്ളക്കളി പുറത്താകാതിരിതക്കാന് സെക്രട്ടറിയേറ്റിലെ സിസിടിവി ദൃശ്യങ്ങള് മിന്നലില് നശിച്ചുപോയെന്ന് പറയുന്ന സര്ക്കാര് സംസ്ഥാന പ്രോട്ടോക്കോള് ഓഫീസര് ഒപ്പിട്ട കസ്റ്റംസ് ക്ലിയറന്സ് ഫയലുകളും കത്തിപ്പോയോയെന്ന് വ്യക്തമാക്കണമെന്നും സുരേന്ദ്രന് പറഞ്ഞു.
മടിമയില് കനമില്ലാത്തത് കൊണ്ടാണോ സംസ്ഥാന സര്ക്കാര് കേന്ദ്ര അന്വേഷണ ഏജന്സികള് ചോദിക്കുന്ന തെളിവുകളെല്ലാം നശിപ്പിക്കുന്നതെന്നും അദ്ദേഹം ചോദിച്ചു. ഷൈന് ഹഖിന്റെ തീവ്രവാദ ബന്ധം അന്വേഷണത്തിന് വിധേയമാക്കണം. മതഗ്രന്ഥങ്ങള് നയതന്ത്ര ബാഗിലൂടെ അയക്കാറില്ലെന്ന് യുഎഇ വ്യക്തമാക്കിയ സ്ഥിതിക്ക് കെ.ടി. ജലീലിനെ മന്ത്രിസഭയില് നിന്നും പുറത്താക്കാനും മുഖ്യമന്ത്രി തയ്യാറാവണമെന്നും കെ. സുരേന്ദ്രന് കൂട്ടിച്ചേര്ത്തു.
