കഴക്കൂട്ടം: കേരളം ഭരിക്കുന്നത് സ്ത്രീകളോടും കുട്ടികളോടും പ്രതിബദ്ധതയില്ലാത്ത സര്ക്കാരാണെന്ന് ആറ്റിപ്ര മണ്വിള ചെങ്കൊടികാട്ടില് പോലീസ് അതിക്രമത്തിലൂടെ പാവപ്പെട്ട സ്ത്രീകളും കുട്ടികളും ഉള്പ്പെടെയുള്ള ആറ് പട്ടികജാതി കുടുംബങ്ങളെ കുടിയൊഴിപ്പിച്ചതിലുടെ വ്യക്തമായതായി ജില്ല വൈസ് പ്രസിഡന്റും ആറ്റുകാല് കൗണ്സിലറുമായ ആര്.സി. ബീന.
ആറ്റിപ്ര വില്ലേജ് ഓഫീസിനു മുന്നില് നടക്കുന്ന സത്യഗ്രഹസമരത്തിന്റെ 15-ാം ദിനം ഉദ്ഘാടനം ചെയ്യുകയായിരുന്നു അവര്. സര്ക്കാര് പാവങ്ങളോടൊപ്പം അല്ല, മടിയില് കനമുള്ളവര്ക്ക് ഒപ്പമാണ്. മുത്തങ്ങയില് സംഭവിച്ചത് ആറ്റിപ്രയില് ആവര്ത്തിക്കരുത്. മരട് ഫഌറ്റ് പൊളിച്ചപ്പോള് നഷ്ടപരിഹാരവും പുനരധിവാസവും നല്കിയ സര്ക്കാര് എന്തുകൊണ്ട് ഈ കുടുംബങ്ങള്ക്ക് നഷ്ടപരിഹാരവും പുനരധിവാസവും നല്കുന്നില്ലെന്നും ബീന ചോദിച്ചു.
ബിജെപി തിരുവനന്തപുരം ജില്ലാ കമ്മറ്റിയംഗം കേരളാദിത്യപുരം ശ്രീകുമാര് നേതൃത്വം നല്കി. മണ്ഡലം പ്രസിഡന്റ് ആര്.എസ്. രാജീവ്, ജില്ലാ സെക്രട്ടറിമാരായ സുനി ചന്ദ്രന്, പാങ്ങപ്പാറ രാജീവ്, സംസ്ഥാന സമിതിയംഗം സിമി ജ്യോതിഷ്, അനിമോന്, ശ്രീകാര്യം സന്തോഷ്, ദയാനന്ദന്, മധുസൂദന്നായര്, സുരേഷ്, അജിത്ത് ആറ്റിപ്ര, പ്രതാപന്, പ്രേംരാജ്, ഷിബു എന്നിവര് നേതൃത്വം നല്കി.
