ചെറുതോണി: വ്യാജമദ്യം നിര്മിക്കുന്നതിന് തയ്യാറാക്കിയ കോടയും വാറ്റുപകരണങ്ങളും തങ്കമണി എക്സൈസ് സംഘം പിടികൂടി.
കാമാക്ഷി എസ്ഐ എന്നറിയപ്പെടുന്ന നെല്ലിപ്പാറ വലിയപറമ്പില് ബിജുവിന്റെ വീട്ടില് നിന്നാണ് 400 ലിറ്റര് കോടയും വാറ്റുപകരണങ്ങളും പിടികൂടിയത്. ബിജുവിന്റെ പേരില് നിരവധി മോഷണകേസുകളും നിലവിലുണ്ടെന്ന് എക്സൈസ് ഉദ്യോഗസ്ഥര് പറഞ്ഞു.
പ്രതി വീട്ടിലില്ലാതിരുന്നു. പ്രതിയെ ഉടന് പിടികൂടുമെന്ന് ഉദ്യോഗസ്ഥര് പറഞ്ഞു. റേഞ്ച് ഓഫീസിലെ പ്രിവന്റീവ് ഓഫീസര് എം.ഡി സജീവ് കുമാര്, സിവില് എക്സൈസ് ഓഫീസര് പി.ടി. സത്യരാജന്, ജഗന് കുമാര്, അജേഷ് ടി. ഫിലിപ്പ്, വനിതാ സിവില് എക്സൈസ് ഓഫീസര് രതിമോള്, അനില് കുമാര് എന്നിവര് റെയ്ഡില് പങ്കെടുത്തു.
