കോഴിക്കോട്: ഭാര്യയ്ക്കും മകള്‍ക്കുമൊപ്പം വിമാനത്തിലിരിക്കുന്ന ചിത്രത്തിനൊപ്പം ബാക് ടു ഹോം എന്ന് ഫെയ്‌സ്ബുക്കില്‍ പോസ്റ്റ് ചെയ്യുമ്പോള്‍ അത് തന്റെ അവസാന യാത്രയായിരിക്കുമെന്ന് കുന്ദമംഗലം പിലാശ്ശേരി മരുതക്കോട്ടില്‍ ഷറഫുദ്ദീന്‍ കരുതിയിരിക്കില്ല.
ഭാര്യ ഫാത്തിമ ഇഷയ്‌ക്കും ഏക മകള്‍ അമീന ഷെറീനും ഒപ്പമായിരുന്നു ഷറഫുദ്ദീന്റെ യാത്ര. പരിക്കേറ്റ ഇരുവരും ആശുപത്രിയില്‍ ചികിത്സ യിലാണ്. ദുബായ് വിമാനത്താവളത്തില്‍ നിന്ന് സുഹൃത്തുക്കള്‍ക്ക് വിമാനത്തില്‍ കയറും മുമ്പ് ഷറഫുദ്ദീന്‍ സുഹൃത്തുക്കള്‍ക്ക് ശബ്ദസന്ദേശവും അയച്ചിരുന്നു. കോവിഡ് പരിശോധന കഴിഞ്ഞു, പ്രശ്‌നമൊന്നും ഇല്ല.
ഭാര്യയും മകളും ഒപ്പമുണ്ട്. ഒരു ബുദ്ധിമുട്ടില്ലാതെ നാട്ടിലെത്തുന്നതിന് എല്ലാവരും പ്രാര്‍ത്ഥിക്കണം. എന്നായിരുന്നു ഷറഫുദ്ദീന്റെ സന്ദേശം. ദുബായിലെ നാദകിലാണ് ഷറഫുദ്ദീന്‍ ജോലി ചെയ്യുന്നത്.
പ്രതികരിക്കാൻ ഇവിടെ എഴുതുക: