മൂന്നാര്: പെട്ടിമുടിയിലെ ദുരന്ത സ്ഥലത്ത് രക്ഷാപ്രവര്ത്തനത്തിനെത്തിയ സേവാഭാരതി സംഘത്തിനൊപ്പമുണ്ടായിരുന്ന ആര്എസ്എസ് പ്രചാരകരെ രക്ഷാപ്രവര്ത്തനം ചെയ്യുന്ന സഖാക്കളായി ചിത്രീകരിച്ച് സിപിഎം പ്രവര്ത്തകരുടെ ഫെയ്സ് ബുക്ക് പ്രചരണം.
വെള്ളിയാഴ്ച പെട്ടിമുടിയില് സേവനത്തിനെത്തിയ ആര്എസ്എസ് ഇടുക്കി സംഘ ജില്ലാ പ്രചാരക് പ്രവീണും, ദേവികുളം സംഘ ജില്ലാ പ്രചാരക് ശക്തിവേലും രക്ഷാപ്രവര്ത്തനത്തില് ഏര്പ്പെടുന്ന ചിത്രമാണ് മൂന്നാറിലെ സഖാക്കള് രക്ഷാ പ്രവര്ത്തനം നടത്തുന്നതായി സഖാക്കള് പ്രചരിപ്പിച്ചത്.
ആര് എസ് എസിന്റെ യൂണിഫോമും, ദണ്ഡും അടിച്ചുമാറ്റിയ സഖാക്കള് ആര്എസ്എസ് പ്രചാരകരേയും അടിച്ചുമാറ്റി പ്രചരണം നടത്തുന്നത് സിപിഎമ്മിന്റെ ഗതികേടാണ് സൂചിപ്പിക്കുന്നത്. ദുരന്തമേഖലയുടെ ഏഴ് അയല്പക്കത്ത് പോലും എത്താതിരുന്നവരാണ് നിസ്വാര്ത്ഥ സേവനം ചെയ്യുന്ന ആര്എസ്എസ് പ്രവര്ത്തകരെ സ്വന്തം പ്രവര്ത്തകരായി അവതരിപ്പിച്ച് തരം താണ പ്രചരണം നടത്തുന്നത്.
