തിരുവനന്തപുരം: സ്വര്ണ്ണക്കള്ളക്കടത്ത് കേസിന്റെ ധാര്മ്മിക ഉത്തരവാദിത്തം ഏറ്റെടുത്ത് മുഖ്യമന്ത്രി പിണറായി വിജയന് രാജിവെക്കണം എന്നാവശ്യപ്പെട്ട് ബിജെപി നടത്തുന്ന പ്രക്ഷോഭത്തിന്റെ ഭാഗമായി ദേശീയ നിര്വാഹക സമിതി അംഗം പി.കെ. കൃഷ്ണദാസ് ഉപവസിക്കും. നാളെ രാവിലെ 10ന് കോഴിക്കോട് ബിജെപി ഓഫീസില് നടക്കുന്ന ഉപവാസ സമരം ദേശീയ ജനറല് സെക്രട്ടറി സരോജ് പാണ്ഡെ ഉദ്ഘാടനം ചെയ്യും.
പിണറായി സര്ക്കാര് രാഷ്ട്ര സുരക്ഷയ്ക്ക് ഭീഷണിയാണെന്ന് കൃഷ്ണദാസ് കഴിഞ്ഞ ദിവസം വ്യക്തമാക്കിയിരുന്നു. ആഗോള ഭീകരരും സ്വര്ണക്കടത്തുകാരും നിയന്ത്രിക്കുന്ന സര്ക്കാരാണ് കേരളം ഭരിക്കുന്നതെന്ന് അദ്ദേഹം ഓര്മിപ്പിച്ചു. മുന് സംസ്ഥാന അധ്യക്ഷന് കുമ്മനം രാജശേഖരന് അധ്യക്ഷത വഹിക്കും. ബിജെപി സംസ്ഥാന ജനറല് സെക്രട്ടറി എം. ടി.രമേശ്, സംസ്ഥാന സെക്രട്ടറി പി.രഘുനാഥ്, ജില്ലാ പ്രസിഡന്റ് വി.കെ. സജീവന് തുടങ്ങിയവര് സംബന്ധിക്കും.
വൈകിട്ട് ഉപവാസ സമരത്തിന്റെ സമാപനത്തോടനുബന്ധിച്ചുള്ള കോഴിക്കോട് ജില്ലാ വെര്ച്വല് റാലിയില് കേന്ദ്ര മന്ത്രി വി.മുരളീധരന് സംസാരിക്കും.
