തൃശൂര്‍: ചാവക്കാട് ബ്ലാങ്ങാട് പാറന്‍പടിയില്‍ കടല്‍ തിരയില്‍പ്പെട്ട കൂട്ടുകാരനെ രക്ഷിക്കാന്‍ നടത്തിയ രക്ഷാപ്രവര്‍ത്തനത്തിനിടയില്‍ ജീവന്‍ നഷ്ടപ്പെട്ട മൂന്ന് യുവാക്കളുടെ കുടുംബങ്ങളില്‍ ഒബിസി മോര്‍ച്ച സംസ്ഥാന വൈസ് പ്രസിഡന്റ് റിഷി പള്‍പ്പു സന്ദര്‍ശനം നടത്തി.
മരിച്ച യുവാക്കളുടെ കുടുംബങ്ങള്‍ക്ക് നീതി ലഭിക്കുന്നതിന് വേണ്ടി ഒബിസി മോര്‍ച്ച സമരമുഖത്ത് വരും. കുടുംബങ്ങള്‍ക്ക് സാമ്പത്തിക സഹായം നല്‍കുമെന്നും,വിഷയം പ്രധാനമന്ത്രിയുടെ ഓഫീസിന്റെ ശ്രദ്ധയില്‍ കൊണ്ടുവരുമെന്നും റിഷി പള്‍പ്പു ഉറപ്പു നല്‍കി. ബിജെപി ഗുരുവായൂര്‍ നിയോജക മണ്ഡലം പ്രസിഡന്റ് അനില്‍ മഞ്ചറമ്പത്ത്,ഒബിസി മോര്‍ച്ച മണ്ഡലം പ്രസിഡന്റ് കെ.എസ്.അനില്‍കുമാര്‍,ബിജെപി കടപ്പുറം പഞ്ചായത്ത് പ്രസിഡന്റ് ഗണേഷ് ശിവജി,ജനറല്‍ സെക്രട്ടറി രാജേഷ് ആച്ചി, യുവമോര്‍ച്ച മണ്ഡലം സെക്രട്ടറി പ്രസന്നന്‍ ബ്ലാങ്ങാട് എന്നിവര്‍ അദ്ദേഹത്തോടൊപ്പം ഉണ്ടായിരുന്നു.
പ്രതികരിക്കാൻ ഇവിടെ എഴുതുക: