വാമനപുരം: ബലിപ്പെരുന്നാള്‍ അവധി ദിവസം നോക്കി സിപിഎം ബ്രാഞ്ച് സെക്രട്ടറിയുടെ നേതൃത്വത്തില്‍ പഞ്ചായത്ത് വക സാധനങ്ങള്‍ കടത്തിയതില്‍ കേസ് എടുക്കണമെന്ന് ആവശ്യപ്പെട്ടു ബിജെപി പ്രവര്‍ത്തകര്‍ പഞ്ചായത്തു സെക്രട്ടറിയെ ഉപരോധിച്ചു.
ബിജെപി വാര്‍ഡ് മെമ്പര്‍മാര്‍ പഞ്ചായത്ത് കമ്മറ്റി ബഹിഷ്‌കരിച്ചു. ഇക്കഴിഞ്ഞ ബലിപെരുന്നാള്‍ ദിവസം രാത്രിയാണ് അടച്ചിട്ടിരുന്ന പഞ്ചായത്ത് ഓഫീസ് തുറന്നു സിപിഎം ബ്രാഞ്ച് സെക്രട്ടറിയുടെ നേതൃത്വത്തില്‍ രണ്ട് ലോഡ് സാധനങ്ങള്‍ കടത്തിയത്.
സംശയം തോന്നിയ പ്രദേശവാസികള്‍ അറിയിച്ചതനുസരിച്ചു ജനപ്രതിനിധികള്‍ എത്തിയപ്പോഴേക്കും രണ്ടാമത്തെ ലോഡും സാധനങ്ങളും കടത്തിക്കൊണ്ട് പോയിരുന്നു.
പഞ്ചായത്തിനോടനുബന്ധിച്ചു നടത്തിയിരുന്ന കറി പൗഡര്‍ യൂണിറ്റിന്റെ യന്ത്ര സാമഗ്രികളും കമ്പ്യൂട്ടര്‍ പഠനകേന്ദ്രത്തിലെ കമ്പ്യൂട്ടറുകളും കടത്തി.
ഇതു കടത്തി കൊണ്ടുപോയവര്‍ക്കെതിരെ മോഷണശ്രമത്തിനു പോലീസ് കേസ് എടുക്കണമെന്ന് ആവശ്യപ്പെട്ട് ബിജെപി പ്രവര്‍ത്തകര്‍ പോലീസ് സ്‌റ്റേഷനില്‍ പരാതിയും കൊടുത്തു.
ഇതിനു പിന്നാലെ പാതിരാത്രിയില്‍ കടത്തികൊണ്ടുപോയതില്‍ ഉപയോഗശൂന്യമായവ പഞ്ചായത്ത് ഓഫീസിന്റെ പിറകിലും ഗ്രന്ഥശാലാ ഹാളിന്റെ സമീപത്തും ഉപേക്ഷിച്ചിരുന്നു.
പ്രതികരിക്കാൻ ഇവിടെ എഴുതുക: