ന്യൂദല്‍ഹി : കേന്ദ്ര ആഭ്യന്തര മന്ത്രി അമിത്ഷായുടെ മരണത്തിനായി മുസ്ലിം ജനത പാര്‍ത്ഥിക്കണമെന്ന് വിവാദ പ്രസ്താവന നടത്തി ഷഹീന്‍ബാഗ് ആക്ടിവിസ്റ്റ് അയ്മാന്‍ റിസ്വി. കൊറോണ വൈറസ് ബാധിതനായ അമിത് ഷാ അദ്ദേഹം രോഗത്താല്‍ മരണമടയട്ടെയെന്നും അവര്‍ പറഞ്ഞു. ദേശീയ മാധ്യമത്തിന് നല്‍കിയ അഭിമുഖത്തിലാണ് ഇക്കാര്യം വ്യക്തമാക്കിയിരിക്കുന്നത്.
അമിത് ഷായ്്ക് കൊറോണ ബാധിച്ചെന്ന വാര്‍ത്ത ജനങ്ങളുടെ ശ്രദ്ധ ആകര്‍ഷിക്കുന്നതിനാണ്. വൈറസ് ബാധിച്ച് അദ്ദേഹം മരിച്ചെങ്കില്‍ കൊറോണയില്‍ വിശ്വസിക്കാം. ജനങ്ങളെ വീഴ്‌ത്തുന്നതിന് വേണ്ടി മോദി സര്‍ക്കാരിന്റെ തന്ത്രമാണ് കൊറോണ വൈറസ്. ഇത് വെറും ഗൂഢാലോചനയാണെന്നും റിസ്വി പറഞ്ഞു.
അമിത് ഷാ കൊറോണ ബാധിച്ച് മരിച്ചാല്‍ ഞങ്ങള്‍ ഇതില്‍ വിശ്വസിക്കും. ബിജെപിക്കാരോ, ബിജെപിയുമായി ബന്ധമുള്ള മാധ്യമ പ്രവര്‍ത്തകരും ഇതുവരെ കൊറോണ ബാധിച്ച് മരിച്ചതായി റിപ്പോര്‍ട്ട് ചെയ്തിട്ടില്ല. ഒരു ദളിതനോ ഒരു മു്സ്ലിമോ ഈ ചെറിയ അസുഖത്താല്‍ പോലും മരിക്കുകയാണ്.
അമിത് ഷാ കൊറോണ ബാധിതനെങ്കിലും നിങ്ങള്‍ അദ്ദേഹത്തിന്റെ മരണത്തിനായി പ്രാര്‍ത്ഥിക്കുക. അല്ലെങ്കില്‍ രോഗംബാധിച്ചിട്ടില്ലെങ്കില്‍ അത് പിടിപെട്ട് മരിക്കണേയെന്നും പ്രാര്‍ത്ഥിക്കണമെന്നും റിസ്വി അറിയിച്ചു. അതേസമയം കൊറോണ എന്നത് വെറും ഗൂഢാലോചനയാണെന്ന് പ്രസ്താവന നടത്താത്തതില്‍ ഷാറൂഖ് ഖാന്‍, ആമിര്‍ ഖാന്‍ തുടങ്ങിയ പ്രമുഖരേയും അയ്മാന്‍ റിസ്വി വിമര്‍ശിച്ചു.
പ്രതികരിക്കാൻ ഇവിടെ എഴുതുക: