തൊടുപുഴ: കാറും ബൈക്കും കൂട്ടിയിടിച്ച് സഹോദരങ്ങള്‍ക്ക് സാരമായി പരിക്കേറ്റു. പെരിയാമ്പ്ര പുത്തന്‍പുരയ്‌ക്കല്‍ തോമസിന്റെ മക്കളും വിദ്യാര്‍ത്ഥികളുമായ ബിബിന്‍(18), സഹോദരന്‍ ബിനില്‍ (15) എന്നിവര്‍ക്കാണ് പരിക്കേറ്റത്.
ഇന്നലെ രാവിലെ 11 മണിയോടെ മണക്കാട് കുന്നത്തുപാറയ്ക്ക് സമീപമായിരുന്നു അപകടം. തൊടുപുഴയില്‍ വാഹന ഷോറൂമിലേക്ക് പോകുന്നതിനിടെ ബൈക്കില്‍ ദിശ തെറ്റിയെത്തിയ കാര്‍ ഇടിക്കുകയായിരുന്നു. റോഡിലെ ഗട്ടര്‍ ഒഴിവാക്കിയപ്പോഴാണ് കാര്‍ ബൈക്കില്‍ ഇടിച്ചത്. പരിക്കേറ്റ ബിബിനെയും ബിനിലിനെയും തൊടുപുഴയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ബിനിലിന്റെ കൈ ഒടിഞ്ഞു. ബിബിന്റെ നട്ടെല്ലിന് ക്ഷതവും ശരീരത്ത് പരിക്കുമേറ്റു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: