തൊടുപുഴ: പ്രണയം നടിച്ചും സിനിമയിലഭിനയിപ്പിക്കാമെന്നും വാഗ്ദാനം ചെയ്തും പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ യുവാവ് അറസ്റ്റില്‍.
പാലക്കാട് പെരിങ്ങാട്ടുകുറിശ്ശി ചുള്ളിക്കല്‍ സുജിത്താ(28)ണ് കരിമണ്ണൂര്‍ പോലീസിന്റെ പിടിയിലായത്. ഇയാള്‍ വേറേയും പെണ്‍കുട്ടികളെ സമാനമായ രീതിയില്‍ പീഡിപ്പിച്ചിട്ടുണ്ടെന്ന് പോലീസ് പറഞ്ഞു.
മറ്റ് പല സ്റ്റേഷനുകളിലും ഇയാള്‍ക്കെതിരെ കേസുണ്ട്. സിനിമയിലെ പ്രൊഡക്ഷന്‍ കണ്‍ട്രോളറാണെന്ന വ്യാജേനയാണ് ടിക് ടോക്കിലൂടെയാണ് പരിയപ്പെട്ട പെണ്‍കുട്ടിയുമായി ഇയാളടുത്തത്. അഭിനയിക്കാന്‍ അവസരം വാങ്ങിത്തരാമെന്നും ഇയാള്‍ വാഗ്ദാനം ചെയ്യുകയും പ്രണയം നടിച്ച് പെണ്‍കുട്ടിയുടെ വിശ്വാസം നേടിയെടുക്കുകയും ചെയ്തു. തുടര്‍ന്ന് ഇയാള്‍ ഇടുക്കി ജില്ലയിലെത്തി പെണ്‍കുട്ടിയെ പീഡനത്തിന് ഇരയാക്കുകയായിരുന്നു.
ഇതിന് ശേഷം നഗ്‌നചിത്രം കാട്ടി ഭീഷണിപ്പെടുത്താന്‍ തുടങ്ങിയപ്പോള്‍ പെണ്‍കുട്ടി പോലീസില്‍ പരാതി നല്‍കി. പാലക്കാട്ടെ വീട്ടില്‍ നിന്നാണ് പ്രതിയെ അറസ്റ്റ് ചെയ്തത്. ഇയാള്‍ക്കെതിരെ പോക്സോ ചുമത്തിയിട്ടുണ്ട്. ഇയാളെ കൊറോണ പരിശോധനയ്‌ക്ക് ശേഷം മുട്ടത്ത് നിരീക്ഷണത്തില്‍ പാര്‍പ്പിച്ചിരിക്കുകയാണ്. പരിശോധനാ ഫലം നെഗറ്റീവായാല്‍ കോടതിയില്‍ ഹാജരാക്കും.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: