കൊച്ചി: സംസ്ഥാനത്ത് ഒരാള് കൂടി കൊറോണ വൈറസ് ബാധിച്ച് ഒരാള് കൂടി മരണമടഞ്ഞു. കളമശ്ശേരി മെഡിക്കല് കോളേജില് ചികിത്സയിലായിരുന്ന ആലുവ കീഴ്മാട് അഞ്ചാം വാര്ഡ് സ്വദേശി ചക്കാല പറമ്പില് ഗോപി ആണ് മരിച്ചത്. എഴുപത് വയസായിരുന്നു.
സമ്പര്ക്കത്തിലൂടെ കൊറോണ ബാധിച്ച ഗോപി രണ്ടാഴ്ചയായി ചികിത്സയിലായിരുന്നു.നേരത്തെ ഹൃദയശസ്ത്രക്രിയ കഴിഞ്ഞയാളാണ് ഗോപി. ലോട്ടറി വില്പ്പനക്കാരന് ആയിരുന്നു. ഇദ്ദേഹത്തിന്റെ മൂന്ന് കുടുംബാംഗങ്ങള്ക്ക് രോഗം ബാധിച്ചെങ്കിലും രോഗമുക്തി നേടിയിരുന്നു.
ഇതോടൊപ്പം തിരുവനന്തപുരത്ത് കൊറോണ ചികിത്സയിലായിരുന്ന ഒരാള് കൂടി മരിച്ചു. തിരുവനന്തപുരം കല്ലിയൂര് സ്വദേശി ജയാനന്ദനാണ് മരിച്ചത്. 53 വയസായിരുന്നു.
