പോത്തന്‍കോട്: ശാന്തിപുരത്ത് വീട് നിര്‍മാണത്തിനിടെ തൊഴിലാളികളുടെ പണവും മൊബൈല്‍ ഫോണും മോഷണം നടത്തിയ മോഷ്ടാക്കളെ നാട്ടുകാര്‍ കയ്യോടെ പിടികൂടി. മോഷണം നടത്തിയ രണ്ട് യുവാക്കളെയാണ് നാട്ടുകാര്‍ പിടികൂടി പോത്തന്‍കോട് പോലീസില്‍ ഏല്‍പ്പിച്ചത്.
വെള്ളിയാഴ്ച വൈകിട്ടാണ് സംഭവം. അയിരൂപ്പാറ ശാന്തിപുരം ജംഗ്ഷനു സമീപത്തായി ഇരുനില കെട്ടിടത്തിന്റെ നിര്‍മാണ പ്രവര്‍ത്തനങ്ങള്‍ നടക്കുകയായിരുന്നു. വീടിന്റെ പ്ലംബിഗ് നിര്‍മാണ പണിക്കെന്ന വ്യാേജന ഇരുവരും വീട്ടിനുള്ളില്‍ പ്രവേശിച്ച് നിര്‍മാണപ്പണി നടത്തിയിരുന്ന തൊഴിലാളികളുടെ പണവും മൊബൈലുമായി മുങ്ങുകയായിരുന്നു.
മോഷണം ശ്രദ്ധയില്‍പ്പെട്ട തൊഴിലാളികള്‍ നാട്ടുകാരുടെ സഹായത്തോടെ മോഷ്ടാക്കളെ പിടികൂടുകയായിരുന്നു. തുടര്‍ന്ന് നാട്ടുകാര്‍ പോലീസില്‍ വിവരം അറിയിച്ചു. സിഐ ഗോപിയുടെ നേതൃത്വത്തിലുള്ള പോലീസ് സംഘം സ്ഥലത്തെത്തി പ്രതികളെ അറസ്റ്റ് ചെയ്തു.
പ്രതികരിക്കാൻ ഇവിടെ എഴുതുക: