തിരുവനന്തപുരം: നാളെ മുതല്‍ ദീര്‍ഘദൂര സര്‍വീസുകളുമായി കെഎസ്ആര്‍ടിസി. സര്‍ക്കാര്‍ നിര്‍ദ്ദേശപ്രകാരം കൊറോണ മാനദണ്ഡങ്ങള്‍ പാലിച്ച് നിയന്ത്രണങ്ങളോടുകൂടിയാണ് സര്‍വീസുകള്‍ പുനരാരംഭിക്കുന്നത്. അന്തര്‍സംസ്ഥാന സര്‍വ്വീസുകള്‍ ഒഴികെയുള്ള ദീര്‍ഘദൂര സര്‍വീസുകളാണ് നാളെ കെഎസ്ആര്‍ടിസി ആരംഭിക്കുന്നത്.
കണ്ടെയ്ന്‍മെന്റ് സോണുകള്‍ ഒഴിവാക്കിയായിരിക്കും ബസുകള്‍ ഓടുക. 206 ബസുകളാണ് നാളെ സര്‍വ്വീസ് ആരംഭിക്കുന്നത്. തമ്പാനൂര്‍ സ്റ്റാന്‍ഡില്‍ നിന്ന് ബസുകള്‍ ഉണ്ടാകില്ലന്നും ആനയറയില്‍ താത്ക്കാലിക സംവിധാനമൊരുക്കി സര്‍വ്വീസ് നടത്തുമെന്നും മന്ത്രി എകെ ശശീന്ദ്രന്‍ മാധ്യമങ്ങളോട് പറഞ്ഞു. ദീര്‍ഘദൂര ബസുകള്‍ക്കുള്ള ഓണ്‍ലൈന്‍ ബുക്കിങ് നാളെ മുതല്‍ തുടങ്ങും പഴയനിരക്കിലായിരിക്കും സര്‍വീസുകള്‍ നടത്തുകയെന്നും അദേഹം അറിയിച്ചു.
പ്രതികരിക്കാൻ ഇവിടെ എഴുതുക: