കോങ്ങാട് : കള്ളുവണ്ടി ഡ്രൈവര്‍ക്ക് കൊറോണ സ്ഥിരീകരിച്ചതോടെ കോങ്ങാട് മൂന്ന് കള്ളുഷാപ്പുകള്‍ അടച്ചു.
കോങ്ങാട് ടൗണ്‍, മണിക്കശ്ശേരി, കവളേങ്ങില്‍ എന്നീ കള്ളുഷാപ്പുകളാണ് അടച്ചത്. കല്ലടിക്കോട്ട് നടത്തിയ ആന്റിജന്‍ ടെസ്റ്റിലാണ് ഡ്രൈവര്‍ക്ക് കൊറോണ സ്ഥിരീകരിച്ചത്. ഈയാളെ മാങ്ങോട് ആശുപത്രിയില്‍ പ്രവേശിപ്പിച്ചു.
ഇയാളുടെ സമ്പര്‍ക്കപ്പട്ടികയില്‍ 38 പേരുണ്ട്. കോങ്ങാട് പഞ്ചായത്തില്‍ കൊറോണ സ്ഥിരീകരിക്കുന്നവരുടെ എണ്ണം വര്‍ധിക്കുന്ന സാഹചര്യത്തില്‍ സമ്പര്‍ക്ക വ്യാപനം തടയുന്നതിനായി കര്‍ശന നടപടികളുമായി ആരോഗ്യ വകുപ്പും പോലീസും പരിശോധന കര്‍ശനമാക്കി. കോങ്ങാട് ടൗണില്‍ പരിശോധന നടത്തി. മാന ദണ്ഡങ്ങള്‍ പാലിക്കാതെ പ്രവര്‍ത്തിച്ച വ്യാപാര സ്ഥാപനം ആരോഗ്യ വകുപ്പ് അധികൃതര്‍ അടപ്പിച്ചു.
പ്രതികരിക്കാൻ ഇവിടെ എഴുതുക: