ന്യുദല്‍ഹി: ലോകം കണ്ട ഏറ്റവും മികച്ച ബാറ്റ്‌സ്മാന്മാരിലൊരാളാണ് ഇന്ത്യന്‍ ഇതിഹാസം സച്ചിന് ടെന്‍ഡുല്‍ക്കര്‍. തന്റെ കരിയറിനിടയില്‍ ഒട്ടേറെ റെക്കോഡുകളും ലിറ്റില്‍ മാസ്റ്റര്‍ സ്വന്തം പേരിലാക്കി. എന്നിരുന്നാലും സെഞ്ചുറിയെ ഡബിള്‍ സെഞ്ചുറിയും ട്രിപ്പിള്‍ സെഞ്ചുറിയുമാക്കി മാറ്റാനുള്ള കഴിവ് സച്ചിന് അറിയില്ലായിരുന്നെന്ന് മുന്‍ ഇന്ത്യന്‍ ക്യാപ്റ്റന്‍ കപില്‍ദേവ്.
ഇന്ത്യയുടെ ഏറ്റവും മികച്ച ബാറ്റ്‌സ്മാനാണ് സച്ചിന്. എന്നാല്‍ ഇപ്പോള്‍ നേടിയതിനേക്കാള്‍ കൂടുതല്‍ നേട്ടം കൈവരിക്കാനുള്ള കഴിവുണ്ടായിരുന്നു. ഒട്ടേറെ നേട്ടങ്ങള്‍ അദ്ദേഹം സ്വന്തമാക്കിയിട്ടുമുണ്ട്. സച്ചിനെക്കാര്‍ നന്നായി കളിച്ച മറ്റാരുമില്ല. എന്നാല്‍ സച്ചിന് ഇതില്‍ കൂടുതല്‍ കഴിവുണ്ടായിരുന്നെന്നാണ് തന്റെ വിശ്വാസമെന്ന് കപില്‍ദേവ്, നിലവിലെ ഇന്ത്യന്‍ വനിത ടീം മുഖ്യ പരിശീലകന്‍ ഡബ്ല്യൂ.വി. രാമനുമായുള്ള അഭിമുഖത്തില്‍ പറഞ്ഞു.
മറ്റാരിലും താന്‍ കാണാത്തതിനെക്കാള്‍ കൂടുല്‍ കഴിവുകള്‍ സച്ചിനുണ്ട്. എങ്ങനെ സെഞ്ചുറി നേടണമെന്ന് സച്ചിനറിയാം. എന്നാല്‍ ഈ സെഞ്ചുറി ഇരുനൂറും മൂന്നൂറും ആക്കിമാറ്റാന്‍ സച്ചിന് അറിയില്ലെന്ന് കപിദേവ് വെളിപ്പെടുത്തി.
പ്രതികരിക്കാൻ ഇവിടെ എഴുതുക: