അടിമാലി: കുറഞ്ഞ വിലക്ക് കോഴി ഇറച്ചി വിറ്റ വ്യാപാരിക്കെതിരെ പ്രതിഷേധവുമായി മറ്റ് കോഴി ഇറച്ചി വ്യാപാരികള്. അടിമാലി മിനി പടിയില് പ്രവര്ത്തിച്ച് വരുന്ന ചിക്കന് സെന്ററിനെതിരെ അടിമാലി ടൗണിലെ ഒരു വിഭാഗം ചിക്കന് സെന്റര് ഉടമകള് എത്തി സംഘര്ഷം ഉണ്ടാക്കുകയായിരുന്നു.
പോലീസ് എത്തി സംഘര്ഷക്കാരെ പിരിച്ചുവിട്ടു. ടൗണില് നിന്ന് 15 ഓളം വ്യാപാരികള് ഇന്നലെ വൈകിട്ട് 3 മണിയോടെ പ്രതിഷേധവുമായി എത്തിയത്. അടിമാലി ടൗണില് ഇന്നലെ കോഴി ഇറച്ചി വില 92 രൂപയായിരുന്നു. എന്നാല് മിനി പടിയിലെ ചിക്കന് സെന്ററില് 79 രൂപയായിരുന്നു. ഇതാണ് മറ്റ് വ്യാപാരികളെ പ്രകോപിതരാക്കിയത്. ഇവര് 100 കിലോ കോഴി ആവശ്യപ്പെട്ടു. എന്നാല് 60 കിലോ നല്കാം എന്ന് ഉടമ അറിയിച്ചു. ഇതില് തൃപതരാകാതെ പ്രതിഷേധക്കാര് ഉടമയേ കയ്യേറ്റം ചെയ്യാന് ശ്രമിച്ചു.
സ്ഥാപന ഉടമ വ്യാപാരി വ്യവസായി ഏകോപന സമിതി നേതാക്കേളേയും പോലീസിനേയും വിവരം അറിയിച്ചു. പോലീസ് സ്ഥലത്ത് എത്തി പ്രതിഷേധക്കാരെ പിരിച്ചുവിട്ടു. കൊറോണ നിയന്ത്രണങ്ങള് പാലിക്കാതെ കൂട്ടം കൂടിയതിന് പ്രതിഷേധക്കാര്ക്ക് എതിരെ കേസ് രജിസ്ട്രര് ചെയ്യുമെന്ന് ട്രാഫിക് എസ്ഐ കെ.ഡി. മണിയന് പറഞ്ഞു.
