റോം: റൊമേലു ലുകാകുവിന്റെ ഇരട്ട ഗോളില്‍ ജെനോവയെ തോല്‍പ്പിച്ച് ഇന്റര്‍മിലാന്‍ സീരി എയില്‍ കിരീട പ്രതീക്ഷ കാത്തു. ഏകപക്ഷീയമായ മൂന്ന് ഗോളുകള്‍ക്കാണ് ഇന്ററിന്റെ ജയം. അലക്‌സി സാഞ്ചസാണ് മറ്റൊരു ഗോള്‍ നേടിയത്. ഈ വിജയത്തോടെ ഇന്റര്‍, അറ്റ്‌ലാന്റയെ പിന്തള്ളി രണ്ടാം സ്ഥാനത്തെത്തി.
മുപ്പത്തിനാലം മിനറ്റില്‍ ഗോള്‍ നേടി ലുകാകു ഇന്ററിനെ മുന്നിലെത്തിച്ചു. അവസാന നിമിഷങ്ങളില്‍ രണ്ടാം ഗോളും കുറിച്ചു. 83-ാം മിനിറ്റിലാണ് അലക്‌സി സാഞ്ചസ് ഗോള്‍ നേടിയത്.
മുപ്പത്തിയാറ് മത്സരങ്ങളില്‍ ഇന്ററിന് 76 പോയിന്റായി. മുപ്പത്തിയഞ്ച് മത്സരങ്ങളില്‍ 80 പോയിന്റുള്ള യുവന്റസാണ് മുന്നില്‍. അതേസമയം, അറ്റ്‌ലാന്റ മുപ്പത്തിയാറു മത്സരങ്ങളില്‍ 75 പോയിന്റുമായി മൂന്നാമത്.
നിലവിലെ ചാമ്പ്യന്മാരായ യുവന്റസ് 36-ാം മത്സരത്തില്‍ സാംപ്‌ദോറിയയെ നേരിടും. ഈ മത്സരത്തില്‍ ജയിച്ചാല്‍ യുവന്റസിന് തുടര്‍ച്ചയായ ഒമ്പതാം സീരി എ കിരീടം സ്വന്തമാകും. മത്സരം സമനിലയാകുകയോ യുവന്റസ് തോല്‍ക്കുകയോ ചെയ്താല്‍ രണ്ടാം സ്ഥാനത്തുള്ള ഇന്ററിന്റെ കിരീട പ്രതീക്ഷകളുയരും. മറ്റൊരു മത്സരത്തില്‍ നപ്പോളി മടക്കമില്ലാത്ത രണ്ട് ഗോളുകള്‍ക്ക് സസൗലൊയെ തോല്‍പ്പിച്ചു.
പ്രതികരിക്കാൻ ഇവിടെ എഴുതുക: