അഭിനേതാവ്, സംവിധായകന്‍, നിര്‍മാതാവ് കഥാകൃത്ത് തുടങ്ങിയ എല്ലാ മേഖലകളിലും കഴിവ് തെളിയിച്ച, ഓസ്ട്രേലിയന്‍ ഹീറോ(ഹോളിവുഡ്) ലൂവിസ് മാന്‍ഡിലര്‍ ഒമര്‍ ലുലുവിന്റെ പുതിയ ചിത്രമായ ‘പവര്‍ സ്റ്റാറി’ല്‍ പ്രധാന കഥാപാത്രമായി മലയാളത്തില്‍ അരങ്ങേറ്റം കുറിക്കുന്നു.
മൈ ബിഗ് ഫാറ്റ് വെഡിങ് (2002), മൈ ബിഗ് ഫട് ഗ്രീക്ക് ലൈഫ് (2003), മൈ ബിഗ് ഫട് ഗ്രീക്ക് വെഡിങ്-2(2016) തുടങ്ങിയവയാണ് ലൂവിസ് മാന്‍ഡിലറിന്റെ ശ്രദ്ധേയമായ ചിത്രങ്ങള്‍.
നൂറോളം ഹോളിവുഡ് ചിത്രങ്ങളില്‍ അഭിനയിക്കുകയും, രണ്ടു ചിത്രങ്ങള്‍ സംവിധാനം ചെയ്യുകയും, അഞ്ചു ചിത്രങ്ങള്‍ നിര്‍മ്മിക്കുകയും രണ്ടു ചിത്രങ്ങള്‍ക്ക് കഥയെഴുതുകയും ചെയ്തിട്ടുള്ള ഹോളിവുഡിലെ പ്രശസ്തനായ താരം കൂടിയാണ് ലൂവിസ് മാന്‍ഡിലര്‍.
റാംബോ: ലാസ്റ്റ് ബ്ലഡ്(2019), ഐ ഓള്‍മോസ്റ്റ് മാരീഡ് എ സീരിയല്‍ കില്ലര്‍(2019), ദ മേഴ്‌സനറി(2020), ദി ഡെബ്റ്റ് കളക്ടര്‍-2(2020) തുടങ്ങിയവയാണ് അദ്ദേഹത്തിന്റെ പുതിയ ചിത്രങ്ങള്‍.
മലയാള സിനിമയ്‌ക്ക് ഹോളിവുഡ് ശ്രദ്ധയാകര്‍ഷിക്കാന്‍ കൂടി ലഭിക്കുന്ന അവസരമാണ് സംവിധായകന്‍ ഒമര്‍ ലുലുവും നായകന്‍ ബാബു ആന്റണിയും ചേര്‍ന്ന് ഒരുക്കുന്ന ഈ ചിത്രം.
വെര്‍ച്ച്വല്‍ ഫിലിംസിന്റെ ബാനറില്‍ രതീഷ് ആനേടത്താണ് ചിത്രം നിര്‍മിക്കുന്നത്. ബാബുരാജ്, റിയാസ് ഖാന്‍, അബു സലീം, ബിനീഷ് ബാസ്റ്റിന്‍ തുടങ്ങിയവരാണ് മറ്റു പ്രമുഖ താരങ്ങള്‍.
പ്രതികരിക്കാൻ ഇവിടെ എഴുതുക: