ലഖ്‌നൗ: രാമക്ഷേത്ര നിര്‍മാണ ആരംഭത്തിനു മുന്നോടിയായി അയോധ്യയിലെത്തി ഒരുക്കങ്ങള്‍ വിലയിരുത്തി ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. പ്രതിഷ്ഠ നിലനില്‍ക്കുന്നിടത്ത് എത്തിയ അദേഹം പ്രാര്‍ഥന നടത്തി.
ആഗസ്ത് 05 നാണ് ക്ഷേത്രത്തിന്റെ നിര്‍മാണത്തിന് തറക്കല്ലിടുക. രാഷ്‌ട്രീയ സ്വയംസേവക് സംഘം സര്‍ സംഘചാലക് പങ്കെടുക്കുന്ന ചടങ്ങില്‍ പ്രധാന മന്ത്രി നരേന്ദ്ര മോദിയാണ് തറക്കല്ലിടല്‍ കര്‍മം നിര്‍വഹിക്കുക. കൊറോണ നിയന്ത്രണങ്ങള്‍ നിലനില്‍ക്കുന്നതിനാല്‍ കേന്ദ്രമന്ത്രിമാരും ക്ഷണിക്കപ്പെട്ട പ്രധാന അതിഥികളും ഉള്‍പ്പെടെ 200 പേര്‍ മാത്രമേ ചടങ്ങില്‍ പങ്കെടുക്കുകയുള്ളു.
ചടങ്ങിന്റെ ഒരുക്കങ്ങള്‍ വിലയിരുത്താനെത്തിയ യോഗി ആദിത്യനാഥ് ജനപ്രതിനിധികളുമായി ചര്‍ച്ച നടത്തി. അയോധ്യയില്‍ തയ്യാറാക്കിയിരിക്കുന്ന പ്രത്യേക സുരാക്ഷാ വിന്യാസങ്ങളും അദേഹം വിലയിരുത്തി.
പ്രതികരിക്കാൻ ഇവിടെ എഴുതുക: