മലപ്പുറം : കൊറോണ വൈറസ് ബാധിച്ച് സംസ്ഥാനത്ത് ഒരു മരണം കൂടി സ്ഥിരീകരിച്ചു. ഇതോടെ രോഗബാധയേറ്റ് സംസ്ഥാനത്ത് മരിക്കുന്നവരുടെ എണ്ണം 49 ആയി.
കഴിഞ്ഞ ദിവസം കുഴഞ്ഞു വീണു മരിച്ച മലപ്പുറം സ്വദേശിക്ക് രോഗം സ്ഥിരീകരിച്ചതോടെയാണ് മരണസംഖ്യ ഇത്രയും എത്തിയത്. ദുബായിയില്‍ നിന്നും എത്തി വീട്ടില്‍ നിരീക്ഷണത്തില്‍ കഴിയുകയായിരുന്ന ഇര്‍ഷാദ് അലി (26) ആണ് മരിച്ചത്. ദുബായിയില്‍ സൂപ്പര്‍ മാര്‍ക്കറ്റില്‍ ജോലി ചെയ്യുകയായിരുന്ന ഇയാള്‍ ഈ മാസം 4ാം തിയതിയാണ് മലപ്പുറത്ത് എത്തിയത്. തുടര്‍ന്ന് വീട്ടില്‍ നിരീക്ഷണത്തില്‍ കഴിയുകയായിരുന്നു. കഴിഞ്ഞ ദിവസം നല്‍കിയ പ്രഭാത ഭക്ഷണം കഴിക്കാത്തതിനെ തുടര്‍ന്ന് വീട്ടുകാര്‍ മുറി പരിശോധിച്ചപ്പോഴാണ് ഇര്‍ഷാദിനെ മരിച്ച നിലയില്‍ കണ്ടെത്തിയത്.
തുടര്‍ന്ന് മൃതദേഹം മഞ്ചേരി മെഡിക്കല്‍ കോളേജ് ആശുപത്രിയിലേക്ക് മാറ്റി. അതിനുശേഷം നടത്തിയ സ്രവ പരിശോധനയിലാണ് കൊറോണയുള്ളതായി കണ്ടെത്തിയത്. നേരത്തെ ദുബായിയില്‍ വെച്ച് ഇര്‍ഷാദ് അലിക്ക് കൊറോണ ബാധിച്ചിരുന്നു. പിന്നീട് രോഗം ഭേദമായതിന് ശേഷമാണ് ഇര്‍ഷാദ് അലി നാട്ടിലേക്ക് വന്നത്.
പ്രതികരിക്കാൻ ഇവിടെ എഴുതുക: