കാസര്‍കോട്: കാസര്‍കോട് ജില്ലയില്‍ ഇന്നലെ 32 പേര്‍ക്ക് കൂടി കോവിഡ് 19 സ്ഥിരീകരിച്ചു.22 പേര്‍ക്ക് സമ്പര്‍ക്കത്തിലൂടെയും അഞ്ച് പേര്‍ വിദേശത്ത് നിന്നെത്തിയവരും, മൂന്ന് പേര്‍ ഇതര സംസ്ഥാനങ്ങളില്‍ നിന്ന് വന്നവരുമാണെന്ന് ഡിഎംഒ ഡോ എ.വി രാംദാസ് അറിയിച്ചു.
ഒരാളുടെ ഉറവിടം ലഭ്യമായിട്ടില്ല. രോഗം സ്ഥിരീകരിച്ചവരില്‍ ഒരാള്‍ ആരോഗ്യ പ്രവര്‍ത്തകയാണ്.
സമ്പര്‍ക്കത്തിലൂടെ മഞ്ചേശ്വരം പഞ്ചായത്തിലെ 39 വയസുകാരന്‍ (ഉറവിടം ലഭ്യമല്ല), 27, 24 വയസുള്ള പുരുഷന്മാര്‍, മൊഗ്രാല്‍പുത്തൂര്‍ പഞ്ചായത്തിലെ 36 വയസുകാരി (പ്രാഥമിക സമ്പര്‍ക്കം), കുമ്പള പഞ്ചായത്തിലെ 43 വയസുകാരി (ആരോഗ്യ പ്രവര്‍ത്തക), 36കാരന്‍, ചെങ്കള പഞ്ചായത്തിലെ 45, 30, 21, 38, 30 വയസുള്ള പുരുഷന്മാര്‍, 34, 55 വയസുള്ള സ്ത്രീകള്‍, രണ്ട് വയസ്, ഏഴ് വയസ്, മൂന്ന് വയസ്, അഞ്ച് വയസുള്ള കുട്ടികള്‍, ചെമ്മനാട് പഞ്ചായത്തിലെ 28 വയസുള്ള സ്ത്രീ, 26 വയസുകാരന്‍, 11, 14, 5 വയസുള്ള കുട്ടികള്‍, കാറഡുക്ക പഞ്ചായത്തിലെ 38 കാരി, 44 വയസുകാരന്‍ എന്നിവര്‍ക്കും
വിദേശത്ത് നിന്ന് ജൂലൈ 7ന് കുവൈത്തില്‍ നിന്ന് വന്ന പിലിക്കോട് പഞ്ചായത്തിലെ 45കാരന്‍, ജൂണ്‍ 17ന് ശ്രീലങ്കയില്‍ നിന്ന് വന്ന ചെമ്മനാട് പഞ്ചായത്തിലെ 27 വയസുകാരന്‍, ജൂണ്‍ 27ന് ഷാര്‍ജയില്‍ നിന്ന് വന്ന കാസര്‍കോട് നഗരസഭയിലെ 29 വയസുകാരന്‍, ജൂലൈ ഒന്നിന് സൗദിയില്‍ നിന്ന് വന്ന ചെങ്കള പഞ്ചായത്തിലെ 35 വയസുകാരന്‍, ജൂലൈ 6ന് ഖത്തറില്‍ നിന്ന് വന്ന മഞ്ചേശ്വരം പഞ്ചായത്തിലെ 29കാരന്‍ എന്നിവര്‍ക്കും ഇതര സംസ്ഥാനത്ത് നിന്നെത്തിയ ജൂലൈ 10ന് വന്ന കുമ്പള പഞ്ചായത്തിലെ 25 കാരന്‍, ജൂലൈ 7ന് വന്ന കുമ്പള പഞ്ചായത്തിലെ 23 കാരന്‍, (എല്ലാവരും ബംഗളൂരുവില്‍ നിന്ന് വന്നവര്‍), ജൂണ്‍ 27ന് വന്ന 69 വയസുള്ള മഞ്ചേശ്വരം പഞ്ചായത്ത് (മംഗളൂരു) എന്നിവര്‍ക്കുമാണ് കോവിഡ് 19 സ്ഥിരീകരിച്ചത്.
പടന്നക്കാട് കോവിഡ് ചികിത്സാ കേന്ദ്രം, അഞ്ചരക്കണ്ടി കോവിഡ് ചികിത്സാ കേന്ദ്രം എന്നിവിടങ്ങളില്‍ ചികിത്സയിലുണ്ടായിരുന്ന 10 പേര്‍ രോഗമുക്തരായി. വീടുകളില്‍ 5427 പേരും സ്ഥാപനങ്ങളില്‍ നീരിക്ഷണത്തില്‍ 839 പേരുമുള്‍പ്പെടെ ജില്ലയില്‍ നിരീക്ഷണത്തിലുള്ളത് 6266 പേരാണ്. പുതിയതായി 355 പേരെ നീരിക്ഷണത്തിലാക്കി. സെന്റിനല്‍ സര്‍വ്വെ അടക്കം 363പേരുടെ സാമ്പിളുകള്‍ കൂടി പരിശോധനയ്‌ക്ക് അയച്ചു.
1448 പേരുടെ പരിശോധനാ ഫലം ലഭിക്കാനുണ്ട്. 335 പേര്‍ നിരീക്ഷണകാലയളവ് പൂര്‍ത്തീകരിച്ചു.
പ്രതികരിക്കാൻ ഇവിടെ എഴുതുക: