കരുനാഗപ്പള്ളി: സ്വര്‍ണക്കടത്തു കേസില്‍ മുഖ്യമന്ത്രിയുടെ രാജി ആവശ്യപ്പെട്ട് ബിജെപി പാവുമ്പ ഏരിയ കമ്മിറ്റിയുടെ നേതൃത്വത്തില്‍ പ്രകടനവും യോഗവും സംഘടിപ്പിച്ചു.
കാളിയന്‍ചന്തയില്‍ മുഖ്യമന്ത്രിയുടെ കോലം ബിജെപി പ്രവര്‍ത്തകര്‍ കത്തിച്ചു. നേതാക്കളായ ശരത്കുമാര്‍, പ്രകാശ് പാപ്പാടി, അജയന്‍, സജി മണ്ണാരേത്, ശങ്കരന്‍കുട്ടി, രാധാകൃഷ്ണപിള്ള, അജിത്, സജിത്ത്, വേണു ആചാരി എന്നിവര്‍ സംബന്ധിച്ചു.
പരവൂര്‍: മുഖ്യമന്ത്രിയുടെ രാജി ആവശ്യപ്പെട്ട് ബിജെപി പരവൂര്‍ മുനിസിപ്പാലിറ്റി പാറയില്‍ക്കാവ് വാര്‍ഡ് സമിതി പ്രകടനവും യോഗവും സംഘടിപ്പിച്ചു. മുഖ്യമന്ത്രിയുടെ കോലം കത്തിച്ചായിരുന്നു പ്രതിഷേധം.
ചാത്തന്നൂര്‍ മണ്ഡലംപ്രസിഡന്റ് പ്രശാന്ത് അദ്ധ്യക്ഷനായി. പരവൂര്‍ മുനിസിപ്പല്‍ നോര്‍ത്ത് സമിതിയുടെ പ്രസിഡന്റ് ഉദയകുമാര്‍, സെക്രട്ടറി ബാബുസേനന്‍, ഭാരവാഹികളായ ബിനു, സുഭാഷ്, അനില്‍, സുര, ഗോപാലകൃഷ്ണപിള്ള എന്നിവര്‍ സംബന്ധിച്ചു.
പ്രതികരിക്കാൻ ഇവിടെ എഴുതുക: