കൊല്ലം: സിറ്റിയില്‍ ചാത്തന്നൂര്‍, കൊട്ടിയം, പരവൂര്‍, അഞ്ചാലുംമൂട്, ചവറ പോലീസ് സ്റ്റേഷനുകളില്‍ ശിശുസൗഹൃദ പോലീസ് സെന്ററുകള്‍ പ്രവര്‍ത്തനം ആരംഭിച്ചു. കുട്ടികളെ ആകര്‍ഷിക്കാന്‍ കാര്‍ട്ടൂണ്‍ രൂപത്തിലുള്ള ചിത്രങ്ങള്‍ ഭിത്തികളില്‍ പതിച്ച് മനോഹരമാക്കിയാണിത്.
കളിപ്പാട്ടങ്ങളും പഠനസാമഗ്രികളും സെന്ററുകളില്‍ സജ്ജീകരിച്ചിട്ടുണ്ട്. സെന്ററുകളുടെ ഉദ്ഘാടനം അതാത് സ്റ്റേഷന്‍ ഹൗസ് ഓഫീസര്‍മാര്‍ നിര്‍വഹിച്ചു. കൊല്ലം സിറ്റി പോലീസ് കമ്മീഷണര്‍ നാരായണന്‍, അഡീഷണല്‍ ഡെപ്യൂട്ടി കമ്മീഷണര്‍ ജോസി ചെറിയാന്‍, ഡെപ്യൂട്ടി കമാണ്ടന്റ് കെ. സുരേഷ്, കൊല്ലം എസിപി എ. പ്രതീപ്കുമാര്‍, കരുനാഗപ്പള്ളി എസിപി ബി.ഗോപകുമാര്‍ എന്നിവര്‍ സംബന്ധിച്ചു.
കൊല്ലം റൂറല്‍ ജില്ലയിലെ 6 പോലീസ് സ്റ്റേഷനുകളും ശിശുസൗഹൃദ പോലീസ് സ്റ്റേഷനുകളായി പ്രഖ്യാപിച്ചു. കൊട്ടാരക്കര, പുത്തൂര്‍, പൂയപ്പള്ളി, കടയ്‌ക്കല്‍, പുനലൂര്‍, തെന്മല, സ്റ്റേഷനുകളാണിത്.
പ്രതികരിക്കാൻ ഇവിടെ എഴുതുക: