കൊച്ചി: മിഡ്ഫീല്‍ഡര്‍ റിത്വിക് കുമാര്‍ ദാസ് കേരള ബ്ലാസ്റ്റേഴ്‌സില്‍ ചേര്‍ന്നു. റിയല്‍ കശ്മീര്‍ എഫ്സിയില്‍ നിന്നാണ് കെബിഎഫ്‌സിയിലെത്തിയത്. റിയല്‍ കാശ്മീരിനായി 11 മത്സരങ്ങള്‍ കളിച്ചു. കഴിഞ്ഞ ഐ-ലീഗ് സീസണില്‍ രണ്ട് ഗോളിന് വഴിയൊരുക്കി. പശ്ചിമ ബംഗാളിലെ ബര്‍ണ്‍പൂരില്‍ നിന്നുള്ള റിത്വിക്, സിഎഫ്എല്‍ ഫസ്റ്റ് ഡിവിഷനിലെ കൊല്‍ക്കത്ത കസ്റ്റംസിലാണ് ഫുട്ബാള്‍ ജീവിതം ആരംഭിക്കുന്നത്. ഐ-ലീഗിനായി സ്‌നോ ലിയോപാഡ്‌സ് തിരഞ്ഞെടുക്കുന്നതിന് മുമ്പ് കൊല്‍ക്കത്ത പ്രീമിയര്‍ ഡിവിഷന്‍ ഗ്രൂപ്പ് ബിയില്‍ കാളിഘട്ട് എഫ്സിക്കായി കളിച്ചു. 2018 ഡിസംബറില്‍ ഐ-ലീഗില്‍ അരങ്ങേറ്റം കുറിച്ചു.
ഇന്ത്യയിലെ ഏറ്റവും വലിയ ഫുട്‌ബോള്‍ ക്ലബ്ബുകളിലൊന്നായ കേരള ബ്ലാസ്റ്റേഴ്സ് എഫ്സിയിലൂടെ ഐഎസ്എല്ലില്‍ അരങ്ങേറ്റം കുറിക്കുവാന്‍ അവസരം ലഭിച്ചതില്‍ ഭാഗ്യവാനാണ്. എന്റെ പ്രൊഫഷണല്‍ കരിയറിലെ ഒരു സുപ്രധാന വഴിത്തിരിവാണിതെന്നും റിത്വിക് പറഞ്ഞു.
പ്രതികരിക്കാൻ ഇവിടെ എഴുതുക: