മാഡ്രിഡ്: സ്പാനിഷ് ലീഗില്‍ റയല്‍ മാഡ്രിഡിന്റെ കിരീടധാരണം ഇന്ന് നടന്നേക്കും. രാത്രി നടക്കുന്ന മത്സരത്തില്‍ വിയ്യറയലിനെ തോല്‍പ്പിച്ചാല്‍ റയലിന് ലാ ലീഗ കിരീടം ശിരസിലേറ്റാം. തുടര്‍ച്ചയായി ഒമ്പത് വിജയങ്ങള്‍ നേടിയ റയല്‍ പോയിന്റ് നിലയില്‍ ഒന്നാം സ്ഥാനത്ത് തുടരുകയാണ്. രണ്ട് മത്സരങ്ങള്‍ ശേഷിക്കെ അവര്‍ക്ക് മുപ്പത്തിയാറു മത്സരങ്ങളില്‍ 83 പോയിന്റുണ്ട്. രണ്ടാം സ്ഥാനത്തുള്ള ബാഴ്‌സലോണ റയലിനെക്കാള്‍ നാലു പോയിന്റിന് പിന്നിലാണ്.
വിയ്യാ റയലിനെ തോല്‍പ്പിക്കാനുള്ള തയ്യാറെടുപ്പിലാണ് തന്റെ ടീമെന്ന് റയല്‍ മാഡ്രിഡ് പരിശീലകന്‍ സിനദിന്‍ സിദാന്‍ പറഞ്ഞു. കഴിഞ്ഞ മത്സരങ്ങളിലേതുപോലെ വിജയത്തിനായി പൊരുതും. മത്സരം കടുപ്പമേറിയതാകുമെന്നും സിദാന്‍ പറഞ്ഞു.
റയല്‍ മാഡ്രിഡ് ശേഷിക്കുന്ന രണ്ട് മത്സരങ്ങളിലും തോറ്റാലേ നിലവിലെ ചാമ്പ്യന്മാരായ ബാഴ്‌സലോണയ്‌ക്ക് കിരീട പ്രതീക്ഷ നിലനിര്‍ത്താനാകൂ. റയല്‍ രണ്ട് മത്സരങ്ങളില്‍ തോല്‍ക്കുകയും ബാഴ്‌സ രണ്ട് മത്സരങ്ങളില്‍ ജയിക്കുകയും ചെയ്താല്‍ ബാഴ്‌സക്ക് കിരീടം നിലനിര്‍ത്താം.
പ്രതികരിക്കാൻ ഇവിടെ എഴുതുക: