കൊല്ലം: മുഖ്യമന്ത്രിയുടെ ഓഫീസിനെ സ്വര്ണ്ണ കള്ളക്കടത്തുകാരുടെ താവളമാക്കിയ പിണറായി വിജയന് രാജിവയ്ക്കണമെന്ന് ആവശ്യപ്പെട്ട് മഹിളാമോര്ച്ച പ്രവര്ത്തകരുടെ മാര്ച്ച്. ചിന്നക്കട പ്രസ്സ്ക്ലബിന് മുന്നില് നിന്നും ആരംഭിച്ച മാര്ച്ച് കൊല്ലം കമ്മീഷണര് ഓഫീസിന് മുന്നില് പോലീസ് തടഞ്ഞു.
ബിജെപി സംസ്ഥാന സെക്രട്ടറി രാജിപ്രസാദ് മാര്ച്ച് ഉദ്ഘാടനം ചെയ്തു. മഹിളാമോര്ച്ച ജില്ലാ അധ്യക്ഷ അഡ്വ.ബിറ്റി സുധീര് അധ്യക്ഷയായി. പിണറായി വിജയന് രാജി വയ്ക്കുന്നത് വരെ മഹിളാമോര്ച്ച ശക്തമായ പ്രതിഷേധ പരിപാടിയുമായി മുന്നോട്ടു പോകുമെന്ന് അവര് പറഞ്ഞു.
ബിജെപി ജില്ലാ സെക്രട്ടറി വെറ്റമുക്ക് സോമന്, മഹിളാ മോര്ച്ച ജില്ലാ വൈസ് പ്രസിഡന്റുമാരായ ബീന രാജന്, ലത മോഹന്, ജനറല്സെക്രട്ടറി ദീപ സഹദേവന്, ട്രഷറര് ഗീത ചിത്രസേനന്, കൊല്ലം മണ്ഡലം പ്രസിഡന്റ് പുഷ്പലത, ചവറ മണ്ഡലം സെക്രട്ടറി സുലജ, ജില്ലാസമിതി അംഗം രാജലക്ഷ്മി ശിവജി എന്നിവര് പങ്കെടുത്തു.
