മേടക്കൂറ്: അശ്വതി, ഭരണി, കാര്‍ത്തിക (1/4)
പ്രതിബന്ധങ്ങളെ അതിജീവിക്കുന്നതാണ്. ഗൃഹത്തിന്റെ അറ്റകുറ്റപ്പണികള്‍ക്ക് തുടക്കം കുറിക്കും. വ്യാപാരത്തില്‍ പുരോഗതി ദൃശ്യമാവും. മാനസിക മുറുക്കത്തിന് അയവുണ്ടാകും.
ഇടവക്കൂറ്: കാര്‍ത്തിക (3/4), രോഹിണി, മകയിരം (1/2)
സഹപ്രവര്‍ത്തകരുടെ സഹായം ലഭ്യമാവും. വാഹനകാര്യങ്ങളില്‍ കൂടുതല്‍ കരുതല്‍ ആവശ്യമാണ്. സന്താന കാര്യങ്ങൡല്‍ അനുകൂല സ്ഥിതിയുണ്ടാവും.
മിഥുനക്കൂറ്: മകയിരം (1/2), തിരുവാതിര, പുണര്‍തം (3/4)
പ്രതിബന്ധങ്ങള്‍ പലതും മാറിക്കിട്ടും. ആരോഗ്യകാര്യങ്ങളില്‍ കൂടുതല്‍ ശ്രദ്ധ ആവശ്യമാണ്. നിര്‍ണായകമായ തീരുമാനങ്ങള്‍ കൂടുതല്‍ ചിന്തിച്ച് ഉറപ്പിക്കുന്നതാണ് നല്ലതാണ്.
കര്‍ക്കടകക്കൂറ്: പുണര്‍തം(1/4), പൂയം, ആയില്യം
സന്താനങ്ങള്‍ക്ക് കൂടുതല്‍ ഉന്നതി ദൃശ്യമാവും. ക്രയവിക്രയങ്ങളില്‍ കൂടുതല്‍ ലാഭം സിദ്ധിക്കും. പ്രതിസന്ധികളെ നയപരമായി നേരിടാന്‍ സാധിക്കും. ഗുരുതുല്യരായ ആചാര്യന്മാരെ നേരില്‍ കാണാന്‍ അവസരം ലഭിക്കും.
ചിങ്ങക്കൂറ്: മകം, പൂരം, ഉത്രം(1/4)
ഗൃഹസ്വസ്ഥത കുറയും. കിട്ടാനുള്ള ധനത്തിന് കാലതാമസം നേരിടും. നേത്രരോഗ സാധ്യതയുണ്ട്. വിവാഹകാര്യങ്ങളില്‍ തീരുമാനമുണ്ടാവും.
കന്നിക്കൂറ്: ഉത്രം (3/4), അത്തം, ചിത്തിര(1/2)
നൂതന കര്‍മപദ്ധതികള്‍ ആവിഷ്‌കരിക്കും. ബിസിനസില്‍ പുരോഗതി ദൃശ്യമാവും. വിദ്യാഭ്യാസ കാര്യങ്ങളില്‍ കൂടുതല്‍ ശ്രദ്ധ ആവശ്യമായിവരും. മംഗളകര്‍മങ്ങളില്‍ പങ്കെടുക്കും.
തുലാക്കൂറ്: ചിത്തിര(1/2), ചോതി, വിശാഖം (3/4)
സാമ്പത്തികസ്ഥിതി മെച്ചമാവും. അന്യരുമായുള്ള ഇടപെടലുകള്‍ക്ക് കൂടുതല്‍ ശ്രദ്ധ വേണം. വിവാദങ്ങളില്‍നിന്ന് വിട്ടുനില്‍ക്കുകയാണ് കൂടുതല്‍ ഉചിതം. കുടുംബകാര്യങ്ങളില്‍ ചില മനഃക്ലേശത്തിന് സാധ്യത കാണുന്നു. ഔദ്യോഗിക കാര്യങ്ങളില്‍ ഉയര്‍ച്ച പ്രതീക്ഷിക്കാം.
വൃശ്ചികക്കൂറ്: വിശാഖം(1/4), അനിഴം, തൃക്കേട്ട
ഉന്നത വ്യക്തികളുമായി സൗഹൃദം പങ്കുവയ്‌ക്കും. ചിലകാലാഭിലാഷങ്ങള്‍ പലതും നേടിയെടുക്കും. സാമ്പത്തിക സ്ഥിതി മെച്ചമാവും. കൂടുതല്‍ ആത്മവിശ്വാസം നിലനില്‍ക്കും.
ധനുക്കൂറ്: മൂലം, പൂരാടം, ഉത്രാടം(1/4)
സഹപ്രവര്‍ത്തകരുടെ സ്‌നേഹവും വിശ്വാസവും നേടിയെടുക്കാന്‍ സാധിക്കുന്നതാണ്. ഭാവിയിലേക്ക് ഗുണകരമായ പല കാര്യങ്ങളിലും ഏര്‍പ്പെടും. ജീവിതനിലവാരം ഉയരും. സന്താനങ്ങള്‍ക്ക് ഉന്നതി ദൃശ്യമാവും.
മകരക്കൂറ്: ഉത്രാടം(3/4), തിരുവോണം, അവിട്ടം (1/2)
ധനപരമായ ഇടപാടുകള്‍ ഗുണകരമാവും. നിസ്സാരകാര്യങ്ങള്‍ മനഃസ്വസ്ഥത കെടുത്തും. ഗൃഹനിര്‍മാണത്തിനായി ധനം സ്വരൂപിക്കും. പൂര്‍വിക സ്വത്തുക്കള്‍ കൈവശം വന്നുചേരും.
കുംഭക്കൂറ്: അവിട്ടം(1/2), ചതയം, പൂരുരുട്ടാതി(3/4)
മത്‌സരങ്ങളില്‍ വിജയം സിദ്ധിക്കും. ബന്ധുക്കളുടെ നീരസത്തിന് പാത്രമാവും. ഭാഗ്യപരീക്ഷണങ്ങളില്‍ ശ്രദ്ധ ചെലുത്തും. കുടുംബാന്തരീക്ഷം ശോഭനമാവും.
മീനക്കൂറ്: പൂരുരുട്ടാതി(1/4), ഉതൃട്ടാതി, രേവതി
പ്രേമകാര്യങ്ങളില്‍ പുരോഗതി ദൃശ്യമാവും. പുണ്യകര്‍മങ്ങള്‍ക്കായി ധനവ്യയം നടത്തും. കോടതി നടപടികള്‍ അനിശ്ചിതമായി തുടരും. ബന്ധുക്കളില്‍നിന്നും കൂടുതല്‍ സഹായങ്ങള്‍ ലഭ്യമാവും.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: