ന്യൂയോര്ക്ക്: കൊറോണ വൈറസ് വായുവിലൂടെ പകരുന്നതിനു തെളിവുണ്ടെന്ന് ശാസ്ത്രജ്ഞര്.കോവിഡ് ബാധയുള്ളയാള് ചുമയ്ക്കുമ്പോഴും തുമ്മുമ്പോഴും പുറത്തുവരുന്ന സ്രവകണികകളിലൂടെയാണു രോഗം പടരുന്നതെന്നാണ് ലോകാരോഗ്യ സംഘടന(ഡബ്ല്യുഎച്ച്ഒ) അറിയിച്ചിരുന്നത്. രോഗം വായുവിലൂടെ പകരുമെന്നതിനു തെളിവുണ്ടെന്നാണ് ശാസ്ത്രജ്ഞര് വ്യക്തമാക്കുന്നു. ഇക്കാര്യം ചുണ്ടിക്കാട്ടി 32 രാജ്യങ്ങളില്നിന്നുള്ള ശാസ്ത്രജ്ഞന്മാര് ഡബ്ല്യുഎച്ച്ഒയ്ക്ക് തുറന്ന കത്തയയക്കുകയും ചെയ്തു.
ചുമയ്ക്കുമ്പോഴും തുമ്മുമ്പോഴും പുറത്തുവരുന്ന സ്രവകണങ്ങളില് ഉള്ള കൊറോണ വൈറസ് വായുവിലൂടെ പരന്ന് മറ്റുള്ളവര് ശ്വാസമെടുക്കുമ്പോള് ശരീരത്തിനുള്ളില് കടക്കുമെന്നാണു ശാസ്ത്രജ്ഞര് കണ്ടെത്തിയിരിക്കുന്നത്.വിശദവിവരങ്ങള് അടുത്ത ആഴ്ച ശാസ്ത്ര മാസികയില് പ്രസിദ്ധീകരിക്കുമെന്നാണ് ഗവേഷകര് അറിയിച്ചിട്ടുണ്ട്.പുതിയ കണ്ടെത്തലിന്റെ അടിസ്ഥാനത്തില് കോവിഡ് മാനദണ്ഡങ്ങള് പരിഷ്കരിക്കാന് ലോകാരോഗ്യ സംഘടന തയാറാകണമെന്നും ശാസ്ത്രജ്ഞര് ആവശ്യപ്പെട്ടിരിക്കുകയാണ്.
വായുവിലൂടെ വൈറസ് പകരുന്നത് സംബന്ധിച്ച് സംബന്ധിച്ചു ഗവേഷണങ്ങള് രണ്ടു മാസങ്ങളായി നടക്കുന്നുണ്ടെന്നും കൃത്യമായ തെളിവുകള് ലഭ്യമായിട്ടില്ലെന്നും ലോകാരോഗ്യ സംഘടന അണുബാധ നിയന്ത്രണ വിഭാഗം ടെക്നിക്കല് മേധാവി ഡോ. ബെന്ഡേറ്റാ അല്ലെഗ്രാന്സി പ്രതികരിച്ചു
