ബെര്‍ലിന്‍: ജര്‍മന്‍ ചാമ്പ്യന്മാരായ ബയേണ്‍ മ്യൂണിക്കിന് ജര്‍മന്‍ കപ്പ് . ഫൈനലില്‍ അവര്‍ രണ്ടിനെതിരെ നാലു ഗോളുകള്‍ക്ക്് ബെയര്‍ ലെവര്‍കുസനെ തോല്‍പ്പിച്ചു. ഇത് ഇരുപതാം തവണയാണ് അവര്‍ ജര്‍മന്‍ കപ്പ് സ്വന്തമാക്കുന്നത്. നേരത്തെ ബുന്ദസ്‌ലീഗ കിരീടം നേടിയ ബയേണിന് ഇതോടെ ഇരട്ടക്കിരീടമായി.
റോബര്‍ട്ട് ലെവന്‍ഡോസ്‌ക്കിയുടെ ഇരട്ട ഗോളാണ് ബയേണിന് ഫൈനലില്‍ വിജയമൊരുക്കിയത്. സെര്‍ജി ഗാബ്‌റി, ഡേവിഡ് അലാബ എന്നിവര്‍ ഓരോ ഗോള്‍ വീതം നേടി. ബെന്‍ഡറും ഹാവെര്‍ട്‌സുമാണ് ലെവര്‍കുസാനായി ഗോളുകള്‍ നേടിയത്.
ഇത് തുടര്‍ച്ചയായ രണ്ടാം തവണയാണ് ബയേണ്‍ ജര്‍മന്‍ കപ്പ് നേടുന്നത്. കഴിഞ്ഞ സീസണില്‍ ലീപ്‌സിഗിനെ തോല്‍പ്പിച്ചാണ്് ബയേണ്‍ ജര്‍മന്‍ കപ്പ് സ്വന്തമാക്കിയത്.
പ്രതികരിക്കാൻ ഇവിടെ എഴുതുക: