മുംബൈ : പ്രമുഖ ബോളീവുഡ് നൃത്ത സംവിധായിക സരോജ്ഖാന്(71) അന്തരിച്ചു. ശ്വാസ തടസ്സത്തെ തുടര്ന്ന് മുംബൈ സ്വകാര്യ ആശുപത്രിയില് ചികിത്സയില് കഴിയവേയാണ് വെള്ളിയാഴ്ച പുലര്ച്ചെ ഹൃദയാഘാതം മൂലം മരണം സംഭവിക്കുകയായിരുന്നു.
ശ്വസനത്തിന് ബുദ്ധിമുട്ട് അനുഭവപ്പെട്ടതിനെ തുടര്ന്ന് സരോജ് ഖാനെ ബന്ദ്രയിലെ ഗുരുനാനാക്ആശുപത്രിയില് കഴിഞ്ഞ ജൂണ് 20നാണ് പ്രവേശിപ്പിച്ചത്. ഇവരെ കൊറോണ പരിശോധനയ്ക്ക് വിധേയമാക്കിയിരുന്നെങ്കിലും ഫലം നെഗറ്റീവ് ആയിരുന്നു.
നാല് പതിറ്റാണ്ടോളം ബോളീവുഡ് നൃത്തമേഖലയിലെ നിറ സാന്നിധ്യമായിരുന്നു. രണ്ടായിരത്തോളം ഗാനങ്ങള്ക്ക് നൃത്ത ചുവടുകള് ഒരുക്കിയിട്ടുണ്ട്. ഏക് ദോ തീന് തുടങ്ങി നിരവധി ഹിറ്റ് സിനിമകളുടെ കൊറിയോഗ്രാഫി നിര്വഹിച്ചു. മൂന്ന് തവണ മികച്ച നൃത്ത സംവിധായികയ്ക്കുള്ള ദേശീയ പുരസ്കാരം നേടി. ദേവ്ദാസ്, ശൃംഗാരം, ജബ് വി മെറ്റ് എന്നീ ചിത്രങ്ങളിലെ നൃത്തചുവടുകള്ക്കായിരുന്നു ദേശീയ പുരസ്കാരം നേടിയത്.
കലങ്ക് ആണ് അവസാന ചിത്രം. സരാജിന്റ ഇഷ്ട നടിയായിരുന്നു മാധുരി ദീക്ഷിത്. അവസാനമായി നൃത്തം സംവിധാനം ചെയ്തതും അവര്ക്ക് വേണ്ടി തന്നെയായിരുന്നു. സോഹന്ലാല് ആണ് ഭര്ത്താവ്. ഹമീദ് ഖാന്, ഹിന ഖാന്, സുകന്യ ഖാന് എന്നിവരാണ് മക്കള്. സംസ്കാരം ഇന്ന് മുംബൈയില് നടക്കും.
