ലണ്ടന്‍: മാഞ്ചസ്റ്റര്‍ യുണൈറ്റഡിന്റെ കുപ്പായത്തില്‍ ബ്രൂണോ ഫെര്‍ണണ്ടാസ് മിന്നുന്ന ഫോം തുടരുന്നു. ബ്രൂണോയുടെ ഇരട്ട ഗോളില്‍ യുണൈറ്റ്ഡ് പ്രീമിയര്‍ ലീഗില്‍ മടക്കമില്ലാത്ത മൂന്ന്് ഗോളുകള്‍ക്ക് ബ്രൈറ്റണ്‍ ആന്‍ഡ് ഹോവിനെ തകര്‍ത്തു.
യുവതാരമായ മേസണ്‍ ഗ്രീന്‍വുഡ് പതിനാറാം മിനിറ്റില്‍ യുണൈറ്റഡിനെ മുന്നിലെത്തിച്ചു. തുടര്‍ന്ന് ഇരുപത്തിയൊമ്പതാം മിനിറ്റിലും അമ്പതാം മിനിറ്റിലും ഗോള്‍ നേടി ബ്രൂണോ യുണൈറ്റഡിന്റെ വിജയം ഉറപ്പിച്ചു.
ഈ വിജയത്തോടെ യുണൈറ്റഡ് ചാമ്പ്യന്‍സ് ലീഗില്‍ മത്സരിക്കാനുള്ള സാധ്യത നിലനിര്‍ത്തി. 32 മത്സരങ്ങളില്‍ 52 പോയിന്റുള്ള മാഞ്ചസ്റ്റര്‍ യുണൈറ്റഡ് അഞ്ചാം സ്ഥാനത്താണ്. 31 മത്സരങ്ങളില്‍ 54 പോയിന്റുള്ള ചെല്‍സിയാണ് നാലാം സ്ഥാനത്ത്. പോയിന്റ് നിലയില്‍ രണ്ടാം സ്ഥാനത്തുള്ള മാഞ്ചസ്റ്റര്‍ സിറ്റിക്കെതിരായ യൂറോപ്യന്‍ വിലക്ക് നിലനില്‍ക്കുകയാണെങ്കില്‍ അഞ്ചാം സ്ഥാനത്തുള്ള മാഞ്ചസ്റ്റര്‍ യുണൈറ്റഡിന് അടുത്ത സീസണിലെ യൂറോപ്യന്‍ ചാമ്പ്യന്‍സ് ലീഗില്‍ കളിക്കാന്‍ അര്‍ഹത ലഭിക്കും. പോയിന്റ് നിലയില്‍ മുന്നിലുളള നാലു ടീമുകള്‍ക്കാണ് ചാമ്പ്യന്‍സ് ലീഗില്‍ മത്സരിക്കാന്‍ യോഗ്യത ലഭിക്കുക.
പ്രതികരിക്കാൻ ഇവിടെ എഴുതുക: