അട്ടപ്പാടി: ചിണ്ടക്കി വനത്തിലെ അട്ടപ്പാടി ഫാമിങ് സൊസൈറ്റിയുടെ കീഴിലുള്ള കാപ്പിത്തോട്ടത്തില് നായാട്ട് നടത്തിയ സംഘത്തിലെ നാല്പേര് പിടിയില്. മണ്ണാര്ക്കാട് അനീഷ് (34), മുഹമ്മദ് നൗഷാദ്(38), സി.ജി. ആന്റണി(56), രാജന് (40) എന്നിവരെയാണ് വനംവകുപ്പ് പിടികൂടിയത്. ഇവരില് നിന്നും ലൈസന്സില്ലാത്ത ഒരു നാടന് തോക്ക്, രണ്ട് ഓട്ടോ, വെട്ടുകത്തി, മ്ലാവിന്റെ അവശിഷ്ടങ്ങളും കണ്ടെത്തി.
കഴിഞ്ഞദിവസം വൈകിട്ട് താന്നിച്ചുവട് ഫോറസ്റ്റ് ചെക്ക്പോസ്റ്റില് വാഹനപരിശോധനക്കിടെ ഓട്ടോയില് കടത്തുകയായിരുന്ന ലൈസന്സില്ലാത്ത നാടന്തോക്ക് പിടികൂടിയിരുന്നു. തുടര്ന്ന് നടത്തിയ അന്വേഷണത്തിലാണ് നാലുപത്രികളിലേക്കെത്തിയത്.
മുക്കാലിയില് റേഷന് കടയിലെ വില്പ്പനക്കാരാനായ അനീഷിന്റെ നേതൃത്വത്തില് സംഘം രണ്ട് തവണ നായാട്ട് നടത്തിയിട്ടുണ്ട്. മറ്റുപത്രികള്ക്കായി അന്വേഷണം നടക്കുന്നു. ഭവാനി റെയ്ഞ്ച് അസി. വൈല്ഡ്ലൈഫ് വാര്ഡന് എ. ആശാലത, ആനവായ് ഫോറസ്റ്റ് സ്റ്റേഷന് ഓഫീസര്മാരായ ടി.സി. രവീന്ദ്രന്, എ. സുരേഷ്കുമാര്, ബീറ്റ് ഫോറസ്റ്റ്് ഓഫീസര്മാരായ സി. അഖില്, എ.വി. അപ്പുക്കുട്ടന്, എം. അന്സാര് എന്നിവരാണ് പ്രതികളെ പിടികൂടിയത്.
