കൊല്ലം: വിവിധ ആവശ്യങ്ങളുന്നയിച്ച് യുവമോര്‍ച്ച കൊല്ലം ജില്ലാ കമ്മിറ്റിയുടെ നേതൃത്വത്തില്‍ മന്ത്രി ജെ. മേഴ്സിക്കുട്ടിയമ്മയുടെ വസതിയിലേക്ക് പിഎസ്സി ജോബ് മാര്‍ച്ച് നടത്തും. നാളെ രാവിലെ 11ന് മാമൂട് സത്യന്‍ സ്മാരക ക്ലബ്ബിന്റെ മുന്നില്‍ നിന്നാണ് മാര്‍ച്ച് ആരംഭിക്കുക.
പിഎസ്സി റാങ്ക് ലിസ്റ്റുകളുടെ കാലാവധി നീട്ടുക, സമയബന്ധിതമായ നിയമനങ്ങള്‍ നടത്തുക, പിന്‍വാതില്‍ നിയമനങ്ങള്‍ പൂര്‍ണമായും അവസാനിപ്പിക്കുക, തൊഴില്‍ അല്ലെങ്കില്‍ മരണം എന്നീ മുദ്രാവാക്യങ്ങള്‍ ഉന്നയിച്ചാണ് മാര്‍ച്ച് സംഘടിപ്പിച്ചിരിക്കുന്നത്. ജില്ലാ പ്രസിഡന്റ് വിഷ്ണു പട്ടത്താനത്തിന്റെ നേതൃത്വത്തില്‍ നടക്കുന്ന മാര്‍ച്ച് ബിജെപി ജില്ലാ പ്രസിഡന്റ് ബി.ബി. ഗോപകുമാര്‍ ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: