കാഞ്ഞങ്ങാട്: കഴിഞ്ഞ ദിവസം പിഎസ്‌സി നിയമന നിരോധനവുമായി ബന്ധപ്പെട്ട് യൂത്ത് കോണ്‍ഗ്രസ് കാഞ്ഞങ്ങാട് മണ്ഡലം കമ്മറ്റിയുടെ നേതൃത്വത്തില്‍ നടത്തിയ ചിതാഭസ്മ നിമഞ്ജന സമരത്തിനെതിരെ പ്രതിഷേധം വ്യാപകം.
കോണ്‍ഗ്രസിലും അഭിപ്രായ ഭിന്നത രൂക്ഷം. പുരാണ കാലംമുതല്‍ വളരെയധികം ക്യത്യനിഷ്ഠയോടും വ്രതാനുഷ്ഠാനങ്ങളോടും കൂടി പരേതാത്മാവിന് നിത്യശാന്തി ലഭിക്കുന്നതിന് വേണ്ടി ചെയ്തുവരുന്ന പുണ്യകര്‍മ്മത്തെ കളിയാക്കുന്ന രീതിയില്‍ ഹൈന്ദവ ആചാരങ്ങളെയും വിശ്വാസത്തെയും അവഹേളിക്കപ്പെട്ടിരിക്കുകയാണ്.
ഹൈന്ദവ ആചാരങ്ങളെ പരിഹസിച്ചു കൊണ്ട് യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി ജോമോന്‍ ജോസ്, നിധീഷ് കടയങ്ങാനം, ഷിഹാബ് കാര്‍ഗില്‍, അനീസ് കാര്‍ഗില്‍ എന്നിവര്‍ ചേര്‍ന്ന് നടത്തുന്ന ഇത്തരം പരിപാടികളില്‍ ജില്ലയിലാകമാനം പ്രധിഷേധം ശക്തമാണ്. ജോമോന്റെ നേതൃത്വത്തില്‍ മറ്റ് പല സ്ഥലങ്ങളിലും ഇത്തരത്തിലുള്ള വര്‍ഗ്ഗീയ ചെയ്തികള്‍ക്കെതിരെ യൂത്ത് കോണ്‍ഗ്രസിനുള്ളില്‍ തന്നെ അഭിപ്രായ ഭിന്നതകള്‍ ഉടലെടുത്തിരിക്കുകയാണ്.
പ്രതികരിക്കാൻ ഇവിടെ എഴുതുക: