കൊച്ചി: കൊറോണ വൈറസ് ബാധക്കിടെ നടത്തുന്ന ചാര്ട്ടേര്ഡ് വിമാന സര്വീസില് വീണ്ടും സ്വര്ണ്ണക്കടത്ത്. നെടുമ്പാശേരി വിമാനത്താവളത്തില് നിന്നാണ് ഇന്ന് സ്വര്ണ്ണം പിടികൂടിയത്. ഗള്ഫ് എയര് വിമാനത്തില് ബഹറൈനില് നിന്നും എത്തിയ തൃശൂര് സ്വദേശിനിയായ യുവതിയുടെ കൈയ്യില് നിന്നും 10 ലക്ഷം രൂപ വരുന്ന 240 ഗ്രാം സ്വര്ണമാണ് പിടിച്ചെടുത്തത്.
ഒരു വര്ഷത്തിനിടയില് നിരവധി തവണ യുവതി ഗള്ഫ് യാത്ര നടത്തിയതായി തെളിവുകള് ലഭിച്ചു. അടിവസ്ത്രത്തിനുള്ളില് ദ്രവരൂപത്തില് അതിവിദഗ്ധമായി ഒളിപ്പിച്ച നിലയിലായിരുന്നു സ്വര്ണ്ണം. കൊറോണക്കാലത്ത് ഇന്ത്യയില് ഏറ്റവും കൂടുതല് സ്വര്ണ്ണക്കടത്ത് നടത്തുന്നത് കേരളത്തിലേക്കാണെന്ന് അധികൃതര് വ്യക്തമാക്കി.
