കോഴിക്കോട്: കോഴിക്കോട് കോര്‍പ്പറേഷന്‍ മുന്‍ മേയറും അഭിഭാഷകനും സാംസ്‌കാരിക-രാഷ്‌ട്രീയ രംഗങ്ങളിലെ നിറസാന്നിധ്യവുമായിരുന്ന യു.ടി രാജന്റെ വിയോഗം കനത്ത നഷ്ടമാണെന്ന് ബി.ജെ.പി സംസ്ഥാന പ്രസിഡന്റ് കെ.സുരേന്ദ്രന്‍ അനുശോചിച്ചു.
നരേന്ദ്രമോദിയുടെ ഭരണനേട്ടങ്ങളില്‍ ആകൃഷ്ടനായാണ് അദ്ദേഹം ബി.ജെ.പിയില്‍ അംഗത്വമെടുത്തത്. പാര്‍ട്ടിയുടെ സംസ്ഥാന കമ്മിറ്റി അംഗമായി പ്രവര്‍ത്തിച്ചിരുന്ന യു.ടി രാജന്റെ മരണം കേരള ബി.ജെ.പിക്കും വ്യക്തിപരമായ് തനിക്കും ഏറെ ദുഖകരമാണെന്ന് സുരേന്ദ്രന്‍ പറഞ്ഞു.
1991ല്‍ ന്യൂയോര്‍ക്കില്‍ നടന്ന ലോക പരിസ്ഥിതി സമ്മേളനത്തില്‍ കോഴിക്കോട് കോര്‍പ്പറേഷനെ പ്രതിനിധീകരിച്ച് പങ്കെടുത്ത അദ്ദേഹം മേയറായിരിക്കുന്വോഴും കൗണ്‍സിലറായിരിക്കുന്വോഴും കോഴിക്കോട് നഗരത്തിന്റെ വികസനപ്രവത്തനങ്ങളില്‍ മുഖ്യപങ്കുവഹിച്ചു. യു.ടി രാജന്റെ കുടുംബാഗങ്ങളുടെ ദുഖത്തില്‍ പങ്കുചേരുന്നതായും സുരേന്ദ്രന്‍ അറിയിച്ചു.
പ്രതികരിക്കാൻ ഇവിടെ എഴുതുക