കൊച്ചി: ഫ്രെഡേ ഫിലിം ഹൗസിന്റെ ബാനറില് വിജയ് ബാബു നിര്മ്മിച്ച മലയാളത്തിലെ ഏറ്റവും പുതിയ റൊമാന്റിക് ചലച്ചിത്രം സൂഫിയും സുജാതയും ആമസോണ് െ്രെപം വീഡിയോയിലൂടെ റിലീസിനൊരുങ്ങി.
ജൂലൈ മൂന്നിന് ആമസോണ് പ്രെം വീഡിയോയുടെ ആഗോള പ്രീമിയറിലൂടെ ലോകത്തെ 200ലേറെ രാജ്യങ്ങളിലെ പ്രേക്ഷകര്ക്ക് സിനിമ ആസ്വദിക്കാം. സംഗീത സാന്ദ്രമായ ഈ പ്രണയ ചിത്രത്തില് ജയസൂര്യയും, അതിഥി റാവു ഹൈദരിയുമാണ് മുഖ്യകഥാപാത്രങ്ങളെ അവതരിപ്പിക്കുന്നത്. 14വര്ഷത്തെ ഇടവേളക്ക് ശേഷമാണ് അദിഥി റാവു മലയാള സിനിമയിലേക്ക് തിരിച്ചെത്തുന്നത് എന്ന പ്രത്യകതയും ഈ ചിത്രത്തിനുണ്ട്.
നരണിപ്പുഴ ഷാനവാസ് തിരക്കഥയും സംവിധാനവും നിര്വഹിച്ചിരിക്കുന്ന ചിത്രത്തിന്റെ ഛായഗ്രഹണം നിര്വഹിച്ചിരിക്കുന്നത് അനു മൂത്തേടത്ത് ആണ്. ഹരിനാരായണന്റെ വരികള്ക്ക് ഈണം നല്കിയിരിക്കുന്നത് എം ജയചന്ദ്രനാണ്. ആലാപനം സുദീപ് പലനാട്. എഡിറ്റിംഗ് ദീപു ജോസഫ്, എക്സിക്യൂട്ടീവ് പ്രൊഡ്യൂസര് വിനയ് ബാബു. പ്രൊഡക്ഷന് കണ്ട്രോളര് ഷിബു ജി സുശീലന്, മേക്അപ് വസ്ത്രാലങ്കാരം റോണക്സ് സേവിയര്, സമീറ സനീഷ്.
