കാസര്‍കോട്: കൊറോണയുടെ മറവില്‍ റാങ്ക് ലിസ്റ്റില്‍ ഉള്ളവരെ നോക്കുകുത്തിയാക്കി സംസ്ഥാന സര്‍ക്കാരുമായി ചേര്‍ന്ന് പിഎസ്‌സി നടത്തുന്ന പിന്‍വാതില്‍ നിയമനം അവസാനിപ്പിക്കണമെന്ന് യുവമോര്‍ച്ച ജില്ലാ കമ്മറ്റി ആവശ്യപ്പെട്ടു. നിലവില്‍ റാങ്ക് ലിസ്റ്റില്‍ ഉള്ളവരെ പാടെ ഒഴിവാക്കി സ്വന്തക്കാരെ തിരികെ കയറ്റാനുള്ള ശ്രമം വെച്ചുപൊറുപ്പിക്കില്ലെന്നു, ‘
ആവശ്യമെങ്കില്‍ റാങ്ക് ലിസ്റ്റില്‍ ഉള്ളവരെ സംഘടിപ്പിച്ചു ഏത് അറ്റം വരെയുള്ള സമരത്തിലേക്കും കടക്കുമെന്ന് യുവമോര്‍ച്ച ജില്ലാ കമ്മറ്റി യോഗം വ്യക്തമാക്കി. യുവമോര്‍ച്ച ജില്ലാ പ്രസിഡന്റ് ധനഞ്ജയന്‍ മധുരിന്റെ അധ്യക്ഷത വഹിച്ചു.
യോഗം ബിജെപി ജില്ലാ പ്രസിഡന്റ് അഡ്വ. കെ.ശ്രീകാന്ത് ഉദ്ഘാടനം ചെയ്തു. യുവമോര്‍ച്ച ജില്ലാ ജനറല്‍ സെക്രട്ടറി വൈശാഖ് കേളോത്ത്, ജില്ലാ വൈസ് പ്രസിഡന്റ് ശ്രീജിത്ത് പറകളായി, അഞ്ജു ജോസ്ടിയും, സെക്രട്ടറിമാരായ സാഗര്‍ തെക്കേക്കര, ജയരാജ് ഷെട്ടി, ട്രഷര്‍ ജിതേഷ് ഉള്‍പ്പെടെയുള്ള ജില്ലാ നേതാക്കള്‍ യോഗത്തില്‍ സംബന്ധിച്ചു.
പ്രതികരിക്കാൻ ഇവിടെ എഴുതുക: